ეკონომიკა

საქართველოში დღეს DHL ,TNT და სხვა საერთაშორისო კომპანიები გაიფიცნენ

Nusagi

[google-translator]

DHL-ის, TNT-ის, “სთარ გრუპის” და კიდევ რამდენიმე საერთაშორისო საფოსტო კომპანიის მომსახურებით სარგებლობა დღეს შეუძლებელი იქნება. კომპანიები ერთდღიან გამაფრთხილებელ აქციას მართავენ. მიზეზი საქართველოს ეკონომიკის სამინისტროს მიერ შემუშავებული კანონპროექტია.

კომპანიებში ამტკიცებენ, რომ პროექტის მიხედვით, ბაზრის მონოპოლიზაცია ”საქართველოს ფოსტის” მიერ ხდება, რაც თანამედროვე საერთაშორისო პრაქტიკას ეწინააღმდეგება.

ევროკავშირთან მიღწეული შეთანხმების დარღვევაზე მიუთითებს გადამზიდავი კომპანია ”TNT”-ის დირექტორი და აცხადებს, რომ თუ ეს კანონი ამ სახით იქნა მიღებული, ის არ მისცემს კომპანიას საშუალებას, რომ დარჩეს ბაზარზე. ნინო მენთეშაშვილის თქმით, პროცესი არ მიმდინარეობს გამჭვირვალედ, რადგან სამინისტრო მალავს კანონპროექტს.არსებული ინფორმაციით„საფოსტო კავშირის შესახებ“ კანონპროექტით, მას შემდეგ, რაც კომუნიკაციების მარეგულირებელი ეროვნული კომისია საფოსტო კავშირის სფეროში საქმიანობის მსურველი პირის ავტორიზაციას მოახდენს, სამინისტროს გადაწყვეტილებით, მხოლოდ ერთ ავტორიზებულ პირს მიენიჭება საფოსტო კავშირის ეროვნული (დანიშნული) ოპერატორის სტატუსი. კანონპროექტის თანახმად, ეროვნული (დანიშნული) ოპერატორის სტატუსი სწორედ „საქართველოს ფოსტას“ უნდა მიენიჭოს. აღნიშნული სტატუსის მინიჭება 20 წლის ვადით ხდება.

სააგენტო ” ფოსტალიონი ” ერთ-ერთი ქართული გადამზიდავი კომპანიის წარმომადგენელს ესაუბრა:
-რითი ხსნის ეკონომიკის სამინისტრო აღნიშნული მონოპოლიის არსებობის აუცილებლობას?
-ეკონომიკის სამინისტრო ალბათ იზიარებს “საქართველოს ფოსტის” არგუმენტებს იმის თაობაზე, თუ რატომაა აუცილებელი ფოსტის საქმიანობაში სახელმწიფოს ასეთი ფორმით ჩარევა. მათ მაგალითად მოჰყავთ საფრანგეთი, სადაც მე-19 საუკუნეში იყო მსგავსი რეგულაცია, ისიც რამდენიმე წლით. ომის და სხვა ფორსმაჟორული სიტუაციების დროს, რა თქმა უნდა, მე-19 საუკუნეში ფოსტის საქმიანობას მართლაც  სახელმწიფო მნიშვნელობა ჰქონდა და სასაცილოა დღეს ამ მაგალითის და ამ “გამოცდილების” გაზიარება.
-რამდენადაც ვიცი, ეს კანონი წინა მთავრობის დროს ამოქმედდა
-მართალია, წინა მთავრობამ თავისი არსებობის ბოლო წელს აამოქმედა ასეთი წესი, თუმცა საკანონმდებლო დონეზე მხოლოდ ახლა იქნება ამუშავებული, რაც ძალიან სამწუხაროა. როგორ შეიძლება ამდენი კომპანიის ბაზრიდან განდევნა. იმ კომპანიების, რომლებიც ბიუჯეტსაც ავსებენ და უამრავ სამუშაო ადგილებს ქმნიან თბილისში და სხვა რეგიონებში.
ეკონომიკის სამინისტროს ამ თემაზე კომენტარი ჯერ არ გაუკეთებია.
Facebook Comments Box

ავტორის შესახებ

infopostalioni_rcifye

AD

Nusagi

ტოპ პოსტები

კატეგორიები

ნახვები

  • 5,931,931 ნახვა
%d bloggers like this: