პოლიტიკა

ვუსამძიმრებ მათ, ვინც მარგველაშვილის ხრიკი კომპენსაციად ჩათვალა და კიდევ იქით უხდის მადლობას მანიპულატორს

Nusagi
საქართველოს გენერალური პროკურორის ყოფილი მოადგილე, ლაშა ნაცვლიშვილი სოციალურ ქსელში პოსტს აქვეყნებს:
1. ვისთვისაც გირგვლიანის საქმეზე სააკაშვილის გასამართლება მკვლელების შეწყალების ნაწილში პრინციპულად მიუღებელია – ასეთ ხალხთან საერთოდ არ ვდაობ;
2. ვინც სისხლის სამართლის საქმის დეტალებს არ იცნობს, იურისტიც არ არის და მაინც არაკვალიფიციურად მიიჩნევს სააკაშვილის ბრალის ფორმულირებას – ჩემთვის იგივეა, ლანდშაფტის დიზაინერმა რომ ნეიროქირურგიული ოპერაციის ხარისხი შეაფასოს, თანაც ვიდრე პაციენტი ნარკოზშია;
3. ვინც სააკაშვილის განაჩენს არაკვალიფიციურად მიიჩნევს მხოლოდ იმიტომ, რომ მარგველაშვილმა თქვა ასე, იმ მარგველაშვილმა, რომელსაც ეს განაჩენი თვალით არ უნახავს, – ასევე ვერ შევალ პოლემიკაში, რადგან არც ბრმად ცრუმრწმენებთან ვდაობ და არც იმ ხალხთან, ვინც მოწადინებული და დამეცადინებულია, ოღონდ ასეთები ელაპარაკონ ხელისუფლებაზე;
4. ვინც ვერ ხვდება, რომ მოქმედი პრეზიდენტის ოფიციალური განცხადება იმის თაობაზე, რომ თითქოს ექსპრეზიდენტს მსჯავრი არასამართლებრივად და შერჩევითი მართლმსაჯულების პირობებში დაედო, თანამედროვე უფლებადაცვითი სტანდარტით, სააკაშვილს უპირობოდ აცხადებს პოლიტიკურ დევნის მსხვერპლად, იმ ხალხთანაც არაფერი მაქვს სადავო;
5. ვინც მარგველაშვილის ხრიკი: “მაინც არ შევიწყალებ”, მეოთხე პუნქტში აღწერილი მავნებლობის საკმარის კომპენსაციად ჩათვალა და ჭყლოპინით კიდევ იქით უხდის მადლობას მანიპულატორს (რითაც საკუთარ “გონებრივ უმანკოებას” ადასტურებს), – მათ შემიძლია მხოლოდ მივუსამძიმრო.

 

Facebook Comments Box

AD

Nusagi

ტოპ პოსტები

კატეგორიები

ნახვები

  • 2,589,765 ნახვა
%d bloggers like this: