ძლიერი ქარის გამო თბილისის საერთაშორისო აეროპორტში, ამ დროის მონაცემებით, 4 რეისი ვერ სრულდება. აეროპორტის ადმინისტრაციის განცხადებით, გაუქმებულია Scat Airlines-ის რეისი, რომელიც ფრენას აქტაუ-თბილისი-აქტაუს მიმართულებით ასრულებდა. ასევე, რეისი გააუქმა Turkish Airlaines-მა, რომელიც რეისს გოგჩენი-თბილისის მიმართულებით გეგმავდა.
თბილისის საერთაშორისო აეროპორტის მაგივრად აქტაუში გადამისამართდა Air Astana-ს რეისი, რომელიც ფრენას ალმაატადან ახორციელებდა, ხოლო აშხაბადში დაფრინდა china southern airlines – ის რეისი, რომელიც ფრენას ურუმჩიდან ასრულებდა.
ფრენები განრიგის მიხედვით ხორციელდება ქუთაისისა და ბათუმის საერთაშორისო აეროპორტებში.
Facebook Comments Box
