კობახიძე-როდესაც საუბრობს პრეზიდენტი ცარიელ მაცივარზე, ეს არის მარტივი პოპულიზმი

საქართველოს პარლამენტის თავმჯდომარის ირაკლი კობახიძის განცხადებით, პრეზიდენტის ადმინისტრაციის ხარჯები მიზანშეუწონლად გაბერილია.

„როდესაც საუბრობს პრეზიდენტი ცარიელ მაცივარზე, ეს არის, რეალურად, ნიანგის ცრემლები და ეს არის მარტივი პოპულიზმი, რომელიც ძალიან მარტივად გაიშიფრა. ან როცა შენ საუბრობ ცარიელ მაცივარზე, ოთხჯერ მეტი ხარჯი არ უნდა გქონდეს იმ გაჭირვებული ადამიანის მიერ გადახდილი საშემოსავლო გადასახადით“,-აღნიშნა ირაკლი კობახიძემ ტელეკომპანია „იმედის“ ეთერში.

ამასთან, კობახიძის თქმით, პარლამენტის წინაშე პრეზიდენტის ყოველწლიური მოხსენების ის ნაწილი, სადაც გიორგი მარგველაშვილი ეკონომიკაზე საუბრობდა, ძალიან სუსტი იყო:

„მე მახსოვს, საუბრობდა ბატონი პრეზიდენტი ეკონომიკასთან დაკავშირებით, მის გამოსვლაზე აღარ შევჩერდები, იყო აბსოლუტურად სუსტი, ეკონომიკაზე როცა საუბრობ, შენ არგუმენტებით უნდა დაასაბუთო, რომ მთავრობის საქმიანობა არის ეფექტიანი ან არაეფექტიანი. მაგრამ, როცა შენ სპეკულირებ იმით, რომ მოსახლეობის ძალიან დიდ ნაწილს უჭირს საქართველოში, რაც რეალობაა, ცარიელ მაცივრებზე როცა საუბრობ, მეორე მხრივ, შენ არ უნდა სწევდე ისეთ ხარჯებს, როგორსაც სწევ. არ შეიძლება საქართველოს პრეზიდენტი ოთხჯერ მეტს იხდიდეს სასტუმროს ნომერში, ვიდრე, მაგალითად, პარლამენტის თავმჯდომარე ან ნებისმიერი სხვა დეპუტატი. ეს არის რეალობა – ოთხჯერ მეტი ხარჯი. ეს არის ნამდვილად შემაშფოთებელი. ეს ნიშნავს იმას, რომ როდესაც საუბრობს პრეზიდენტი ცარიელ მაცივარზე, ეს არის, რეალურად, ნიანგის ცრემლები და ეს არის მარტივი პოპულიზმი, რომელიც ძალიან მარტივად გაიშიფრა. როცა შენ საუბრობ ცარიელ მაცივარზე, ოთხჯერ მეტი ხარჯი არ უნდა გქონდეს იმ გაჭირვებული ადამიანის მიერ გადახდილი საშემოსავლო გადასახადით, შენს ადმინისტრაციას არ უნდა აქეიფებდე საბიუჯეტო რესურსებით”,- განაცხადა ირაკლი კობახიძემ.

Facebook Comments

ახალი დადებული