ირაკლი კობახიძე-ვფიქრობ, პრემიერ-მინისტრმა მიიღო აბსოლუტურად ლოგიკური გადაწყვეტილება

პარლამენტის თავმჯდომარის ირაკლი კობახიძის განცხადებით, ის პოლიტიკოსები, რომლებსაც ზაზა სარალიძესთან ერთად სურდათ პრემიერთან შეხვედრა, ხორავას ქუჩის საქმეს საკუთარი პოლიტიკური მიზნებისთვის იყენებენ.

„ის ადამიანები, რომლებსაც ბავშვის მამასთან ერთად სურდათ პრემიერ-მინისტრთან შეხვედრა, არიან ზუსტად ის პოლიტიკოსები, რომლებიც იყენებენ ამ საქმეს საკუთარი პოლიტიკური სუბიექტური მიზნებისათვის”,- განუცხადა ირაკლი კობახიძემ ჟურნალისტებს.

პარლამენტის სპიეკრის თქმით, ამასთან დაკავშირებით, პრემიერ-მინისტრმა ლოგიკური გადაწყვეტილება მიიღო.

“ვფიქრობ, პრემიერ-მინისტრმა მიიღო აბსოლუტურად ლოგიკური გადაწყვეტილება ამასთან დაკავშირებით. კიდევ ერთხელ გავიმეორებ, ჩვენ ყველას, ხელისუფლების სახელით ვამბობ ამ შემთხვევაში, გვაქვს ძალიან ნათელი მიზანი. მიზანი არის ის, რომ ამ მძიმე დანაშაულს საბოლოოდ მოეფინოს ნათელი, ყველა დეტალს, რომელიც დაკავშირებულია ამ საქმესთან. ძალიან ცუდია, როდესაც პოლიტიკური სპეკულაციებისთვის იყენებენ კონკრეტული პარტიები ამ საქმეს და ამ შემთხვევაშიც, ის ადამიანები, რომლებსაც სურდათ პრემიერ-მინისტრთან შეხვედრა, ბავშვის მამასთან ერთად, ისინი არიან ზუსტად ის პოლიტიკოსები, რომლებიც იყენებენ ამ საქმეს საკუთარი პოლიტიკური სუბიექტური მიზნებისათვის, რაც არის ამორალური საქციელი. იმ ადამიანებთან შეხვედრა, რომლებიც ჩადიან ასეთ ამორალურ რამეს, პრემიერ-მინისტრის შეხვედრა იქნებოდა აბსოლუტურად არასწორი. შესაბამისად, პრემიერ-მინისტრის პოზიცია არის სწორი“,– განუცხადა პარლამენტის თავმჯდომარემ ჟურნალისტებს.

Facebook Comments

ახალი დადებული