ჭუბერში დაზიანებულ ინფრასტრუქტურას ხელისუფლება აღადგენს, აღდგება სახლები და გაიცემა კომპენსაციები

ჭუბერში სტიქიის შედეგად დაზიანებულ ინფრასტრუქტურას ხელისუფლება აღადგენს, აღდგება საცხოვრებელი სახლები და გაიცემა კომპენსაციები. ამის შესახებ პრემიერ-მინისტრმა, მამუკა ბახტაძემ განაცხადა.

“საქართველოში არის ძალიან ბევრი მდინარე, ეს არის ჩვენი სიმდიდრე, მაგრამ ამავე დროს საჭიროა, რომ სწრაფი რეაგირების და ადრე შეტყობინებების სისტემები ყველგან გვქონდეს. 2019 წელს დავიწყებთ ამ პროგრამას და ორ წელიწადში დასრულდება. რთულია, სტიქიურ უბედურებას წინ აღუდგე, მაგრამ მაქსიმალურად უნდა ვიყოთ ფოკუსირებული პრევენციაზე. ჩვენ გავაკეთებთ სრულ კომპენსაციებს, მოკლე ვადაში აღვადგენთ როგორც ინფრასტრუქტურას, ასევე იმ საცხოვრებელ სახლებს, რომლებსაც ზიანი მიადგა. რასაკვირველია, თუ ინჟინრებმა თქვეს, რომ უმჯობესი იქნება რომელიმე სახლის გადატანა, ამასაც გავაკეთებთ“, – განაცხადა მამუკა ბახტაძემ.

Facebook Comments

ახალი დადებული