რელიგია

მართლმადიდებელი ეკლესია დღეს სვეტიცხოვლობას აღნიშნავს

Nusagi

საქართველოს მართლმადიდებელი ეკლესია დღეს „წმინდა დიდებულთა ათორმეტთა მოციქულთა კრებას“ სვეტიცხოვლობას აღნიშნავს.

დღესასწაულთან დაკავშირებით, საზეიმო ლიტურგიას სრულიად საქართველოს კათოლიკოს პატრიარქი, მცხეთაში, სვეტიცხოვლის საკათედრო ტაძარში მღვდელმთავრებთან ერთად აღავლენს. წირვის დასრულების შემდეგ ილია მეორე შეკრებილებს სვეტიცხოვლობას მიულოცავს და ტრადიციული ქადაგებით მიმართავს. საზეიმო წირვა სვეტიცხოველში 10:00 საათზე დაიწყება. ამის შესახებ 1tv წერს.

წმინდა სახარების მიხედვით, იესო ქრისტემ 12 მოციქული გამოარჩია. მათგან ერთმა, იუდა ისკარიოტელმა გასცა. შემდგომ მის ნაცვლად უფალმა მატათა მოციქული გამოარჩია, რომელმაც საქართველოში იქადაგა. ამ დღეს ეკლესია წმინდა მოციქულებს: პეტრეს და მის ძმას ანდრიას, იაკობსა და მის ძმას იოანეს, ფილიპეს, ბართლომეს, თომას, მათეს, იაკობ ალფესს, იუდა იაკობისას (თადეოზისა), სიმონ მოშურნეს და მატათას იხსენიებს.

სვეტიცხოვლობა წელიწადში ორჯერ, 14 ოქტომბერს და 13 ივლისს აღინიშნება. 14 ოქტომბერს ეკლესია ქრისტეს კვართს იხსენიებს, 13 ივლისს კი – ქრისტეს ყველა მოციქულს.

დღევანდელი დღე მორწმუნეებისთვის თევზით ხსნილია.

Facebook Comments

AD

Nusagi

ტოპ პოსტები

კატეგორიები

ნახვები

  • 2,327,938 ნახვა
%d bloggers like this: