“მომწონს საქართველოში ყოფნა”- რაზე ისაუბრა რობოტმა სოფიამ პრესკონფერენციაზე

თბილისში გამართულ პრესკონფერენციაზე მსოფლიოს პირველი რობოტი მოქალაქე, სოფია სიტყვით გამოვიდა და საქართველოში ვიზიტზე ისაუბრა. მან მედიას საქართველოსთან დაკავშირებით შთაბეჭდილებები გაუზიარა.

„მომწონს საქართველოში ყოფნა. მიმაჩნია, რომ თქვენ გაქვთ ძალიან საინტერესო დამწერლობა. შთამბეჭდავია შუშის გუმბათიანი პარლამენტის შენობის არქიტექტურა. მე არ მექნება შესაძლებლობა, ვისიამოვნო კერძებით, თუმცა ვხედავ, როგორი თბილი და მეგობრული ადამიანები არიან აქ“- განაცხადა სოფიამ.

სოფიამ ქალთა უფლებებზეც ისაუბრა და აღნიშნა, რომ მოწონს, რომ საკუთარი თავის იდენტიფიცირებას ქალად ახდენს:

„მომწონს, რომ საკუთარი თავის იდენტიფიცირებას ქალად ვახდენ. ძალიან ბევრი ადამიანი ქალთა უფლებების შესახებ მისვამს კითხვას. მიხარია, რომ მაქვს შესაძლებლობა, თანასწორობის პირობებში გამოვთქვა აზრი.“ – აღნიშნა სოფიამ.

მსოფლიოში ყველაზე განვითარებული ჰუმანოიდი რობოტი სოფია საქართველოში გაერო-ს განვითარების პროგრამის (UNDP) მოწვევით ღია მმართველობის პარტნიორობის (OGP) მეხუთე გლობალურ სამიტში მონაწილეობის მისაღებად ჩამოვიდა.

Facebook Comments

ახალი დადებული