სამართალი

სად ხართ კომისიის წევრებო, თუ არ შეგიწყალებიათ, გაგვეცით პასუხი

ბრიგადის გენერალი, ანალიტიკოსი ამირან სალუქვაძე სოციალურ ქსელში პოსტს აქვეყნებს. სალუქვაძე აცხადებს, რომ საზოგადოების კითხვებს პასუხი უნდა გასცენ პირებმა, რომლებსაც  კავშირი აქვთ არასრულწლოვნის მკვლელობაში ბრალდებულის შეწყალებასთან .  

„თუ 8 წლის გოგონას მკვლელობაში ეჭვმიტანილი მართლაც შეიწყალა პრეზიდენტმა, არ ფიქრობთ, რომ პრეზიდენტმა და შეწყალების კომისიამ პასუხი უნდა გასცენ საზოგადოებას?

2 წელია ვწერ ამ კომისიის შესახებ, ყველა მსოფლიო რეკორდი მოხსნეს, 3500 პირი შეიწყალეს, რომელთაგან, როგორც სჩანს, დიდი წილი მოდის ისეთ დანაშაულებზე, რომელთა შეწყალება საერთოდ კითხვის ქვეშ უნდა იდგეს.

სად ხართ ჟურნალისტებო, “ლიუბიმჩიკად” რომ გყავთ ზოგიერთები ამ კი მისიიდან პრეზიდენტთან ერთად? არაა საზოგადოებისთვის მნიშვნელოვანი თემა?

სად ხართ პროფილურო არასამთავრობოებო? გაგვარკვიეთ, რამდენად კანონიერად, რამდენად ადეკვატურად, რამდენად საზოგადოების ინტერესების გათვალისწინებით ფუნქციონირებს შეწყალების კომისია.

გუშინ აიპრესმა გამოაქვეყნა სტატია, რომ ვერ შესძლეს დაკავშირება კომისიის ვერცერთ წევრთან, გარდა ყოფილი წევრისა. სააგენტოს ინფორმაციით, სასჯელაღსრულების სამინისტროს უარი უთქვამს შეწყალებაზე.

სად ხართ კომისიის წევრებო, რატომაა თქვენი საქმიანობა ასეთი გაუმჭვირვალე? თუ არ შეგიწყალებიათ, გაგვეცით პასუხი“,-წერს ამირან სალუქვაძე. 

Facebook Comments