პოლიტიკა

ელისაშვილი გახარიაზე – დამარიაჟობდა საყელოაწეული, აპაჭუნებდა ამ თვალებს და იყო ერთ ამბავში

ალეკო ელისაშვილი შინაგან საქმეთა მინისტრის გადადგომაზე ოპოზიციის მოთხოვნას ეხმაურება და აცხადებს, რომ ხელისუფლებამ ეს ნაბიჯი უნდა გადადგას. ამის შესახებ მან გადაცემაში „პოლიტმეტრი“ ისაუბრა.

„პოლიტიკურად რომ შეხედოთ, ოპოზიციისთვის ძალიან მომგებიანია დისკრედიტებული გახარიას თანამდებობაზე ყოფნა. იმიტომ, რომ საჯაროდ თავს ვერ ყოფს 20 ივნისის მერე, არადა მანამდე დამარიაჟობდა საყელოაწეული, აპაჭუნებდა ამ თვალებს და იყო ერთ ამბავში, ჟურნალისტებს რაღაცნაირად რომ ელაპარაკებოდა ვითომ… ახლა კი, შემალულია და თავი ვერ გამოუყვია. ასეთი დისკრედიტებული მინისტრი თუ ეყოლება ხელისუფლებას, ყოველთვის დარტყმების ქვეშ იქნება. მაგრამ ამასობაში ქვეყანა გაიჭედა, სულ თავის მართლების რეჟიმში არიან. ქუჩაში ხალხი ფეხს არ იცვლის… გადადგან ეს ნაბიჯი. გახარიას გადადგომა ათასჯერ ნაკლები მნიშვნელობისაა, ვიდრე ის მონაპოვარი, რაც არის პროპორციული არჩევნები“,-განაცხადა მან.

Facebook Comments