Uncategorized

საქართველოს ელჩს აზერბაიჯანის საგარეო უწყებაში გარეჯის ინციდენტზე ახსნა-განმარტება და მომხდარის გამოძიება მოსთხოვეს

Nusagi

აზერბაიჯანის საგარეო საქმეთა სამინისტროში საქართველოს ელჩი დაიბარეს. ამის შესახებ ინფორმაციას ipn აზერბაიჯანულ მედიაზე დაყრდნობით ავრცელებს.

როგორც ადგილობრივი მედია წერს, საქართველოს ელჩს ზურაბ პატარაძეს აზერბაიჯანის საგარეო საქმეთა სამინისტროში ახსნა-განმარტებები მოსთხოვეს დავით გარეჯის სამონასტრო კომპლექსის ტერიტორიაზე 14 ივლისს მომხდარი ინციდენტის თაობაზე. კერძოდ, „ადამიანთა ჯგუფის მიერ საზღვრის დარღვევის, აზერბაიჯანელ მესაზღვრეებზე თავდასხმისა და მათი შეურაცხყოფის თაობაზე“.

ამასთან, როგორც სააგენტო „თურანი“ აღნიშნავს, აზერბაიჯანის საგარეო საქმეთა სამინისტრომ საქართველოს მხარისგან გამოძიების ჩატარება, შესაბამისი ზომების მიღება და ამის შესახებ ოფიციალური ბაქოს ინფორმირება მოითხოვა.

„სინანულით აღვნიშნავთ, რომ მსგავსი მოქმედებები სრულიად ეწინააღმდეგება აზერბაიჯანსა და საქართველოს შორის არსებული სტრატეგიული პარტნიორობის სულისკვეთებას და ჩვენ ამას განვიხილავთ როგორც პროვოკაციას, რომელიც მიმართულია ორ ქვეყანას შორის დაპირისპირების წარმოქმნისაკენ“, – ნათქვამია აზერბაიჯანის საგარეო საქმეთა სამინისტროს პრესსამსახურის განცხადებაში.

აღსანიშნავია, რომ აზერბაიჯანში საქართველოს ელჩის აზერბაიჯანის საგარეო საქმეთა სამინისტროში დაბარებისა და მისი შედეგების შესახებ კომენტარს არ აკეთებენ საქართველოს საგარეო უწყებაში. როგორც „ინტერპრესნიუსს“ საგარეო საქმეთა სამინისტროში განუცხადეს, დავით გარეჯთან დაკავშირებით განცხადება უკვე გაავრცელეს, თუმცა მასში საქართველოს ელჩის, ზურაბ პატარაძის აზერბაიჯანის საგარეო საქმეთა სამინისტროში დაბარების თაობაზე არაფერია ნათქვამი.

Facebook Comments
თეგები

AD

Nusagi

ტოპ პოსტები

კატეგორიები

ნახვები

  • 2,339,046 ნახვა
%d bloggers like this: