მოდა

დემნა გვასალია „ვეტმანს“ ტოვებს

ცნობილი დიზაინერი დემნა გვასალია „ვეტმანს“ ტოვებს, ამის შესახებ ფეისბუქზე დემნა გვასალიას ოფიციალური გვერდი იუწყება. განცხადებაში, რომელიც ფეისბუქზე გამოქვეყნდა, დემნა აცხადებს, რომ მან თავისი მისია შეასრულა.

ფეისბუქის ოფიციალურ გვერდზე ასევე აღნიშნულია, რომ დემნა ბალენსიაგაში დარჩება და პარალელურად, ახალ პროექტზე დაიწყებს მუშაობას.

„დემნა ტოვებს ვეტმანს!

„ვეტმანი დავიწყე, რადგან მოდა მობეზრებული მქონდა და ყველა წინააღმდეგობის მიუხედავად, მოდა ერთხელ და სამუდამოდ შეიცვალა, რაც ჩვენ გამოვჩნდით. ვეტმანმა ბევრს გაუღო კარი, ასე რომ, ახლა ვგრძნობ, რომ მე ჩემი მისია შევასრულე.“
დემნა აგრძელებს ბალენსიაგაში მუშაობას და ახალ კოლექციას 29 სექტემბერს გვაჩვენებს, (დემნა არ ტოვებს ბალენსიაგას, ტოვებს მხოლოდ ვეტმანს!) პარალელურად იწყებს ახალ პროექტზე მუშაობას, რომელიც ვეტმანისგან დამოუკიდებელი იქნება. 
ვეტმანში რჩება დემნას ძმა, გურამი და ის უახლოეს მომავალში დააანონსებს ახალ თანამშრომლობას ბრენდებთან, თუმცა დღეიდან დემნა აღარ იქნება ვეტმანის მთავარი დიზაინერი და შემოქმედებითი ხელმძღვანელი.

დემნას მადლობას ვუხდით გასული 5 წლისთვის და წარმატებებს ვუსურვებთ ბალენსიაგაში და ახალ წამოწყებაში“,-წერია დემნა გვასალიას ოფიციალურ ფეისბუქგვერდზე.

Facebook Comments