კრიმინალი

ბერი ნიკოლოზის მიმდევრები ჟურნალისტებს თავს დაესხნენ, დაშავებულები საავადმყოფოში გადაიყვანეს

შინაგან საქმეთა სამინისტროს ინფორმაციით, ბერი ნიკოლოზის მიმდევრები ტელეკომპანია “იმედის” გადამღებ ჯგუფს თავს დაესხნენ.

“შინაგან საქმეთა სამინისტრომ გამოძიება დაიწყო ფონიჭალაში, ერთ-ერთ საცხოვრებელ კორპუსთან მომხდარ ინციდენტზე, რა დროსაც ტელეკომპანია „იმედის“ თანამშრომლებს საქართველოს მართლმადიდებლური ეკლესიიდან განკვეთილი ე.წ. ბერი ნიკოლოზის მიმდევრები დაუპირისპირდნენ.

მომხდარ ფაქტზე გამოძიება საქართველოს სისხლის სამართლის კოდექსის 126-ე, 154-ე და 187-ე მუხლებით მიმდინარეობს, რაც ძალადობას, ჟურნალისტისათვის პროფესიულ საქმიანობაში უკანონოდ ხელის შეშლას და ნივთის დაზიანებას ან განადგურებას გულისხმობს.

ინციდენტის შედეგად მიღებული დაზიანებების გამო, ტელეკომპანია „იმედის“ გადამღები ჯგუფის წევრები გადაყვანილი არიან საავადმყოფოში.

ამ დროისთვის მიმდინარეობს საგამოძიებო მოქმედებები”- აღნიშნულია შსს-ს მიერ გავრცელებულ ინფორმაციაში.

Facebook Comments