ნიკა გვარამიას ჯანმრთელობის მდგომარეობის გამო მისი სასამართლო პროცესი გადაიდო

თბილისის საქალაქო სასამართლოში „რუსთავი 2“-ის ყოფილი გენერალური დირექტორის, ნიკა გვარამიას საქმის არსებითი განხილვა გადაიდო.

ამის მიზეზი გვარამიას ჯანმთელობის მდგომარეობა გახდა. „დღევანდელი სასამართლო გადაიდო იმის გამო, რომ ნიკა გვარამიამ ვერ შეძლო მასზე დასწრება. სასამართლომ ჩანიშნა მომდევნო სხდომების გრაფიკი და საქმის განხილვა გაგრძელდება უკვე მომდევნო კვირას“,- განაცხადა გვარამიას ადვოკატმა დიმიტრი საძაგლიშვილმა.

ნიკა გვარამიასთან ერთად ამავე საქმეზე ბრალდებულები არიან კახაბერ დამენია და ზურაბ იაშვილი. გამოძიება გვარამიას ტელეკომპანია „რუსთავი 2“-ის კუთვნილი თანხების გაფლანგვას, კომერციულ მოსყიდვასა და ყალბი დოკუმენტების დამზადება-გამოყენებას ედავება.

Facebook Comments
%d bloggers like this: