ვაშაძე: ხელისუფლების კომენტარები შერბილებულია

“ხელისუფლების კომენტარები ძალიან შერბილებულია და საღ გონებასთან ახლოს არის”, -ამის შესახებ “ნაციონალური მოძრაობის” ერთ-ერთმა ლიდერმა გრიგოლ ვაშაძემ მმართველი გუნდის წარმომადგენლებთან შეხვედრის დაწყების წინ ჟურნალისტებს განუცხადა.

როგორც ვაშაძემ აღნიშნა, ხელისუფლება სწორი მიმართულებით “დაიძრა”.

“მეორე თუ მესამე რაუნდი იყო, გითხარით, რომ ხელისუფლება სწორი მიმართულებით დაიძრა. იმედი მაქვს, რომ ეს მოძრაობა გაგრძელდება. მითუმეტეს, რომ კომენტარები ძალიან შერბილებულია და უფრო საღ გონებასთან ახლოს არის. “ერთიან ნაციონალურ მოძრაობას” და გაერთიანებულ ოპოზიციას რაც შეეხება, ჩვენთვის ამ თანმიმდევრობით არის ყველაფერი მნიშვნელოვანი. პოლიტიკური პატიმრების გათავისუფლება, მაქსიმალურად დაახლოება პროპორციულ არჩევნებთან, ვენეციის კომისიის და კონსტიტუციური სასამართლოს რეკომენდაციების გათვალისწინება იმისათვის, რომ ოლქები იყოს თანასწორად”, – განაცხადა გრიგოლ ვაშაძემ.

ცნობისთვის, საქართველოში ამერიკის საგანგებო და სრულუფლებიანი ელჩის რეზიდენციაში მმართველ გუნდსა და ოპოზიციას შორის შეხვედრა მიმდინარეობს.

Facebook Comments
%d bloggers like this: