იმნაძე: კორონავირუსი სიმპტომების გამოვლენის გარეშე გადამდები არ არის

დაავადებათა კონტროლის ეროვნული ცენტრის გენერალური გენერალური დირექტორის მოადგილემ პაატა იმნაძე COVID-19-ის შესახებ ისაუბრა და აღნიშნა, რომ ვირუსი სიმპტომების გამოვლინებამდე გადამდები არ არის.

“გადამდები არ არის, სანამ სიმპტომები არ დაიწყება. ყველაზე მეტად გადამდებია მაშინ, როდესაც ადამიანს ხველა დაეწყება, მანამდე აღვნიშნავ, რომ გადამდები არ არის. ძალიან გადამდებია, როდესაც ხველება აქვს ადამიანს”, – განაცხადა “მაესტროს” ეთერში პაატა იმნაძემ.

ცნობისთვის, მსოფლიო ჯანდაცვის ორგანიზაციამ 30 იანვარს კორონავირუსი გლობალურ საფრთხედ გამოაცხადა. ვირუსის პირველი ნიშნები ჩინეთში გასული წლის დეკემბერში გამოვლინდა. ჯანდაცვის მსოფლიო ორგანიზაციაში აცხადებენ, რომ პანდემიის საფრთხე კიდევ უფრო რეალური ხდება. ვირუსი ამ დროისთვის 100-ზე მეტ ქვეყანაშია გავრცელებული.

რაც შეეხება საქართველოს, კორონავირუსის ლაბორატორიულად დადასტურებული 23 შემთხვევა გამოვლინდა, მათ შორის 1 არასრულწლოვანია.

Facebook Comments
%d bloggers like this: