საჭიროების შემთხვევაში რესპუბლიკურს კორონავირუსით ინფიცირებული 120 პაციენტის მიღება შეუძლია

საჭიროების შემთხვევაში, რესპუბლიკურ საავადმყოფოს კორონავირუსით ინფიცირებული 120 პაციენტის მიღება შეუძლია. ამის შესახებ კლინიკის დირექტორმა ლევან გოფოძემ ჟურნალისტებს განუცხადა.

მისი თქმით, რესპუბლიკურში საკარანტინო ზონა გაუქმდა და დაიწყო პაციენტების მიღება, რომლებიც დაკვირვების ქვეშ იმყოფებიან. ამ ეტაპზე კლინიკაში 46 პაციენტია, მათ შორის არცერთი არ არის კორონავირუსით ინფიცირებული.

ლევან გოფოძის ინფორმაციით, 46 პაციენტიდან ცხელების გამო 7-ს ჩაუტარდა კორონავირუსზე ტესტი, თუმცა ინფექცია არცერთს არ დაუდასტურდა. ტესტი დღეს კიდევ სამ პაციენტს ჩაუტარდება.

კლინიკის დირექტორის განცხადებით, რესპუბლიკურ საავადმყოფოს დაკვირვების ქვეშ მყოფი 2 პაციენტი დატოვებს, რომლებსაც უკვე აღარანაირი კლინიკური ნიშნები აღარ აღენიშნებათ.

“ვისზეც კორონავირუსზე უარყოფითი ტესტი მოვიდა, ყველა თვითიზოლაციაში არ მიდის. ზოგს ცხელება აქვს და კლინიკური ნიშნები კლინიკაში დარჩენას მოითხოვს”, – აღნიშნა ლევან გოფოძემ.

Facebook Comments
%d bloggers like this: