ირაკლი სესიაშვილი: გთხოვთ, გავუფთხილდეთ ერთმანეთს – მსოფლიო სტრესულ ვითარებაში ცხოვრობს

Nusagi

“დღეს ის პერიოდი გვაქვს, როცა ყველა უნდა გავუფრთხილდეთ ერთმანეთს, ყველა სიტყვა ავწონ-დავწონოთ და ვიფიქროთ იმაზე, რომ მთელი მსოფლიო სტრესულ ვითარებაში ცხოვრობს. თითოეულს გვიწევს არაორდინალურ სიტუაციაში მუშაობაც და ცხოვრებაც. ამიტომ გთხოვთ, გავუფრთხილდეთ ერთმანეთს”, – ამის შესახებ საპარლამენტო უმრავლესობის წევრმა “ტვ პირველის” ეთერში განაცხადა.

“იქ, სადაც ვინმეს რაიმე შეიძლება არ მოგვეწონოს და კრიტიკის საფუძველი არსებობდეს, უნცა შევეცადოთ, რომ ან გვერდი ავუქციოთ ან კრიტიკა იყოს კონსტრუქციული. ეს გვჭირდება ისევ და ისევ იმ სტრატეგიული კომუნიკაციის პირობებში, სადაც ერმაც, ბერმაც უნდა ვაჩვენოთ ერთიანობა”, – აღნიშნა ირაკლი სესიაშვილმა.

დეპუტატის თქმით, სახელისუფლებო გუნდი მზადყოფნაშია, შეასრულოს პოლიტიკური დანაპირები საარჩევნო კანონმდებლობასთან დაკავშირებით.

“ჩვენი პრინციპული პოზიციია, რომ პოლიტიკური დანაპირები უნდა შესრულდეს და შესრულდება კიდეც. ერთადერთი საუბარი არის იმაზე, სად გაიხსნება ფანჯარა, რომ ეს ვალდებულებები შესავსრულოთ. ჩვენ გვაქვს იმის მოლოდინი და განცდა, რომ დღის წესრიგს არ ავცდებით. ჩვენ გვინდა, რომ დროულად მოხდეს საკონსტიტუციო ცვლილების განხორციელება და დროულად გამოვიდეს ქვეყანა კრიზისიდან. გვაქვს სრული მზადყოფნა, რომ ჩავეტიოთ შესაბამის ვადებში, საკონსტიტუციო ცვლილებები განხორციელდეს და ოქტომბერში არჩევნები ჩატარდეს. დანარჩენი დამოკიდებულია საგანგებო მდგომარეობის ვადებზე. თუმცა იმედი გვაქვს, რომ დროულად გამოვალთ ამ ვითარებიდან“, – აღნიშნა ირაკლი სესიაშვილმა.

Facebook Comments
%d bloggers like this: