თავდაცვის სამინისტრო განცხადებას ავრცელებს

თავდაცვის სამინისტრო მის უწყებაში კორონავირუსის დაფიქსირების ცალკეული ფაქტების შესახებ განცხადებას ავრცელებს. სამინისტროს ცნობით ყველა კონტქტი მოძიებულია ყაზარმულ მდგომარეობაში გადასულ არმიაში ვირუსის გავრცელების რისკი არ არსებობს.

„ბოლო რამდენიმე დღეა სხვადასხვა მედია საშუალებით ვრცელდება დეზინფორმაცია, შესაბამისად საზოგადოების ინფორმირების მიზნით გვსურს განვმარტოთ: საქართველოს თავდაცვის სამინისტრო კოორდინირებულად თანამშრომლობს ჯანდაცვის სამინისტროს დაავადებათა კონტროლის ეროვნულ ცენტრთან. კორონავირუსის გავრცელების შესახებ ინფორმაცია საზოგადოებას დროულად და გამჭვირვალობის მაღალი სტანდარტით მიეწოდება. ინფორმაციის გავრცელება ხდება კოორდინირებულად დაავადებათა კონტროლის ეროვნული ცენტრის მიერ. მათ მიერ გავრცელებული ინფორმაცია მოიცავს ქვეყანაში არსებულ ყველა შემთხვევას.“ ნათქვამია განცხადებაში.

თავდაცვის სამინისტრო პერსონალური მონაცემების დაცვის მოტივით არ ასახელებს იმ პირების ვინაობას ვისას კორონავირუსი დაუდგინდა, თუმცა აცხადებს, რომ კონტაქტები მოძიებულია და საფრთხე არ არსებობს. „რამდენიმე კვირის წინ, კორონა ვირუსული ინფექციის მხოლოდ რამდენიმე ფაქტი დადასტურდა. საუბარია, ეროვნული გვარდიის სამოქალაქო ოფისის დასუფთავების სამსახურის თანამშრომლებსა და დათხოვნაში მყოფ სამხედრო მოსამსახურეზე. ამის შემდეგ, თავდაცვის უწყებაში, სხვა ახალი შემთხვევა აღარ დაფიქსირებულა. ორივე შემთხვევაში ინფიცირების სავარაუდო წყარო უცხოურ კლასტერს უკავშირდებოდა. აქვე განვმარტავთ, რომ დადგინდა მათთან კავშირში მყოფი ყველა კონტაქტი და ყაზარმულ რეჟიმში მყოფ სამხედროებს საფრთხე არ ემუქრებათ. დამატებით მოგახსენებთ,რომ ცალკეულ შემთხვევებში სამინისტრო, თავდაცვისუნარიანობის მიზნებისა და ოპერატიული მზადყოფნის ამოცანებიდან გამომდინარე პერსონალურ ინფორმაციას არ გაავრცელებს და სამომავლოდ შესაძლო შემთხვევების დაფიქსირების შესახებ ინფორმაციას დაავადებათა კონტროლის ეროვნული ცენტრის მეშვეობით გასცემს. აღნიშნული მიდგომა წარმოადგენს საერთაშორისოდ მიღებულ პრაქტიკას და შეესაბამება ნატოს წევრი ქვეყნების საინფორმაციო პოლიტიკას.“

Facebook Comments

ახალი დადებული

%d bloggers like this: