როდიდან გაიხსნება რესტორნები, სავაჭრო მოლები და სილამაზის სალონები

პრემიერმა გიორგი გახარიამ დღეს დააანონსა თუ როგორ მოხდება არსებული შეზღუდვების შერბილება.

კერძოდ, მისი თქმით, ორშაბათიდან, 27 აპრილიდან ნებადართული იქნება:

  • მსუბუქი ავტომობილებით გადაადგილება;
  • ტაქსების ოპერირება;
  • ონლაინ ვაჭრობა სრულად (საცალო, საბითუმო)
  • მიტანის მომსახურება (ნებისმიერ პროდუქტზე)
  • ღია ტიპის აგრარული ბაზრების საქმიანობა.

უკვე ორი კვირის შემდეგ, ანუ 11 მაისიდან კი შემდეგი ეკონომიკური საქმიანობები გახდება დასაშვები:

  • მშენებლობა;
  • სამშენებლო ზედამხედველობასთან დაკავშირებული საქმიანობა;
  • სამშენებლო მასალების წარმოება;
  • ავტო-სამრეცხაოები, ავტოსერვისები (სრულად);
  • კომპიუტერების, პირადი და საყოფაცხოვრებო საქონლის რემონტი;
  • სარეკრეაციო ზონების ფუნქციონირება.

კიდევ ორი კვირის შემდეგ კი, ანუ 25 მაისიდან დასაშვები გახდება:

  • საცალო და საბითუმო მაღაზიები (გარდა მოლებისა), რომლებსაც გააჩნიათ, დამოუკიდებელი შესასვლელი ქუჩიდან;
  • ყველა ტიპის ღია ბაზრობა;
  • ყველა ტიპის წარმოება;
  • საგამომცემლო საქმიანობა.

მეოთხე ეტაპი უკვე დაიწყება 8 ივნისიდან. ეს ეტაპი შეეხება და შესაბამისად, 8 ივნისიდან ნებადართული გახდება:

  • სავაჭრო მოლები;
  • ღია ტიპის რესტორნები/კვების ობიექტები (ადგილზე მომსახურებით)
  • ყველა ტიპის საფინანსო მომსახურება;
  • სილამაზის სალონები და ესთეტიკური მედიცინის ცენტრები.
Facebook Comments
%d bloggers like this: