Advertisements

ევროკავშირში მოგზაურებისთვის შესაძლოა, COVID პასპორტები გაიცეს

ევროკავშირის ქვეყნები მოგზაურებისთვის ე.წ. COVID-პასპორტების გაცემის საკითხზე მსჯელობენ. ამის შესახებ The Sun-ი წერს.
გამოცემის ინფორმაციით, საკითხი ბლოკის სახელმწიფოების ტურიზმის მინისტრებმა ვიდეოკონფერენციაზე განიხილეს. შეხვედრის შემდეგ ეს ევროკავშირის თავმჯდომარე ქვეყნის, ხორვატიის ტურიზმის მინისტრმა, გარი კაპელიმ დაადასტურა. მისი თქმით, მსგავსი დოკუმენტი დაზარალებული ტურისტული სფეროს აღორძინების საქმეში უსაფრთხოების გარანტი გახდება.
„რამდენიმე დასკვნამდე მივედით. კერძოდ, გადავწყვიტეთ კრიზისიდან გამოსვლის საერთო გეგმა შევიმუშაოთ. ეს ჯანმრთელობისა და უსაფრთხოების სფეროში ერთობლივი პროტოკოლების შექმნას ითვალისწინებს. მინისტრები შევთანხმდით, რომ უნდა შეიქმნას საერთო დოკუმენტი პირობითი სახელწოდებით COVID-პასპორტი, რომელიც ევროკავშირის მთელ ტერიტორიაზე იმოქმედებს“, – განაცხადა კაპელიმ.
ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

Nusagi
Facebook Comments
Advertisements

You may have missed