ვაჟა-ფშაველას გამზირზე საცხოვრებელი კორპუსი ძლიერ აფეთქებას გადაურჩა – ვიდეო

თბილისში, ვაჟა-ფშაველას გამზირის მე-4 კვარტალში ერთ-ერთი საცხოვრებელი კორპუსი ძლიერ აფეთქებას გადაურჩა, იუწყება გაზგამანაწილებელი კომპანია „ თბილისი ენერჯი”

ცხელ ხაზზე დარეკა მოქალაქემ, რომელმაც მრავალბინიან კორპუსში გაზის სუნი იგრძნო. ადგილზე მისულმა „თბილისის ენერჯის“ სწრაფი რეაგირების სამსახურის სპეციალისტებმა, სპეციალური აპარატურით, კორპუსის შემოწმებისას დაადგინეს, რომ ერთ-ერთ დაკეტილ ბინაში, გაზის ძალიან მაღალი კონცენტრაცია იყო. მოსახლეობის უსაფრთხოებისთვის სასწრაფოდ გადაიკეტა გაზის მიწოდება.

კომპანიის მონაცემებით, საცხოვრებელი სახლის შემოწმებისას აღმოჩნდა, რომ ბინაში, სადაც რემონტი მიმდინარეობს, გაზგაყვანილობა ტექნიკური ნორმების დარღვევით იყო დამონტაჟებული, 15 მეტრის სიგრძეზე გადაჭიმული ე.წ რეზინის გაზის მილი კი ერთ ადგილას გადაჭრილი. სწორედ ამ მილიდან ჟონავდა გაზი.

„თბილისი ენერჯი“ მოსახლეობას ბუნებრივი აირის მოხმარების წესების დაცვისკენ მოუწოდებს. გაჟონვის შემთხვევაში მოქალაქეებმა უნდა დარეკონ „თბილისი ენერჯის“ ცხელ ხაზზე 114 40 40 04 ან სწრაფი  რეაგირების სამსახურში – 114.

Facebook Comments

ახალი დადებული