ანა გაბეჩავა: კითხვები არ დასმულა, უბრალოდ ჩემი ინსტაგრამი შეამოწმეს

გამოძიებას კითხვები არ ჰქონია, – ამის შესახებ გიორგი შაქარაშვილის საქმის ერთ-ერთმა მოწმემ ანა გაბეჩავამ ჟურნალისტებს შსს-დან გამოსვლის შემდეგ განუცხადა. მისივე თქმით, გამომძიებლებმა მხოლოდ მისი სოციალური ქსელები შეამოწმეს.

„კითხვები არ დასმულა. უბრალოდ ჩემი სოციალური ქსელები შეამოწმეს…ინსტაგრამი”, – განაცხადა ანა გაბეჩავამ.

ცნობისთვის, ანა გაბეჩავა შსს-ში დაახლოებით 6 საათის განმავლობაში იმყოფებოდა. ასევე დღეს, შსს-ში იმყოფებოდა 18 ივნისის წვეულების მონაწილე ერთ-ერთი არასრულწლოვანი პირი ნ.ხ. ადვოკატის მტკიცებით, კითხვები არ დასმულა ნ.ხ-სთან მიმართებითაც და საგამოძიებო მოქმედებები არასრულწლოვნის კუთვნილ ტელეფონში არსებული მიმოწერის მიზნით ჩატარდა.

Facebook Comments

ახალი დადებული