ვინ არის „უკრაინელი კრიმინალისტი“, რომელიც გიორგი შაქარაშვილის გარდაცვალების საკუთარ ვერსიაზე საუბრობს

„მთავარი არხისა“ და „ფორმულას“ მიერ მომზადებულ სიუჟეტებში მონაწილე უკრაინელი კრიმინალისტი, რომელიც გიორგი შაქარაშვილის გარდაცვალების საკუთარ ვერსიაზე საუბრობდა და აცხადებდა, რომ გიორგი შაქარაშვილის სხეული წყალში 4 დღე არ იყო,  რეალურად რუსეთის მოქალაქე გიდია, რომელიც თბილისში მუშაობს. ამის შესახებ ანალიტიკოსი ირაკლი ლატარია სოციალურ ქსელში წერს და უკრაინელი „დამოუკიდებელი ექსპერტის“ ფეისბუქგვერდის სქრინს ავრცელებს, საიდანაც ირკვევა, რომ გალინა კარმუშინა ექსპრეზიდენტ მიხეილ სააკაშვილის გულშემატკივარია. 

“მე ექსპერტიზის პასუხების და ფოტოების საფუძველზე გადაჭრით შემიძლია ვთქვა რომ ის 48 საათზე ნაკლები დროის გარდაცვლილია, რადგან წარმოუდგენელია გვამური გაშეშებები ცხედარს ჰქონდეს 84 საათის მანძილზე”, — განუცხადა კარმოშინამ მთავარ არხს. 

ირაკლი ლატარიას თქმით, აღნიშნული ტელევიზიები სტომატოლოგებითა და გიდებით აპირებენ კორონა და რამდენიმე გაუხსნელი საქმე დაამარცხონ.

„ჩვევა რჯულზე უმტკიცესიაო.

ხომ გახსოვთ იოსებ კაკალაშვილი, ანუ იგივე ჯოზეფ ქეი? 🙂 ადამიანი, რომელიც იყო ტაქსის მძღოლი აშშ- ში და გვარამიამ აქცია ყველაზე მდიდარ კაცად, ბიზნესმენად თავისივე გვარით – ქეი 🙂 რომელმაც ტაქსის მძღოლობით ,,იყიდა” ტელეკომპანია იმედი.

ახლაც იგივე გრძელდება.

ჯერ იყო და აშშ-ში თუ კი სადმე კლინიკაში დამლაგებლად ვინმე ქართველი იყო (დამლაგებლის პროფესიას არ ვეხები, უბრალოდ სამედიცინო კუთხით მუშაობის გამოცდილებაზე ვაპელირებ) ყველას აზრი გამოიყენეს როგორც ექსპერტის, ინფექციისა და ეპიდემიის დარგში და ლამის მსოფლიო დონის უმაღლესი ხარისხის ექიმებად გაგვაცნეს ეს ადამიანები.

დღეს კიდევ, გვარამიას ეთერში ყავდა ქალბატონი, რომელმაც ლამის ანგელოზი ბაშვის მკვლელობის საქმე კი არა, რამდენიმე გაუხსნელი საქმეც გახსნა მსოფლიო მასშტაბით, არადა გაინტერესებთ ეგ ქალბატონი ვინ იყო? 🙂 ქალბატონი გახლავთ გიდი თბილისში, რომელიც უკრაინის კი არა, რუსეთის მოქალაქეა.

მოკლედ, ტაქსის მძღოლებით უვარდებოდნენ ადრე ტელევიზიებს და ახლა კიდევ, სტომატოლოგებითა და გიდებით აპირებენ კორონა და რამდენიმე გაუხსნელი საქმე დაამარცხონ!!!

აღარც კი მეცინება, ჩვეულებრივი მანიაკები არიან რომლებსაც არც ტვინი აქვთ და არც ნამუსი, რომ უბრალოდ გაქრნენ და საზოგადოება აღარ დაწამლონ“,-წერს ირაკლი ლატარია. 

Facebook Comments

ახალი დადებული