შაქარაშვილის საქმეზე დაკავებულის მამა: ნდობაში შევედი გია ღვალაძესთან, შემოვიტყუე სახლში და ისე ავიყვანეთ

გიორგი შაქარაშვილის საქმეზე დაკავებული არასრულწლოვანი ზ.ხ-ს მამა ფეხბურთელის ბიძას და ოჯახის ადვოკატს ემუქრება. მისი თქმით, ადრე საიდუმლო სამსახურში, ვანო მერაბიშვილთამ მუშაობდა.

– ბატონო თამაზ, რატომ ითხოვთ შაქარაშვილების ოჯახთან შეხვედრას?

– მინდა შევხვდე მის ოჯახს, მივუსამძიმრო ეს უდიდესი ტრაგედია და დაველაპარაკო. დიდი სალაპარაკო მაქვს მათთან, ყველაფერი ვიცი მირიან ნიკოლაძეზე და ვთხოვ ოჯახს, მირიანი ამ საქმეს ჩამოაშორონ.

მირიანმა ამ საქმეში დიდი ფული აიღო, აგარაკს ყიდულობს ახლა და ყველა მნიშვნელოვან გარემოებაზე თვალს ხუჭავს. ორი დღის წინ, ნარკობარონი გამოვიდა ციხიდან, რომელსაც ნიკოლაძე იცავდა.

ეს ბიჭები მკვლელები არიან და კოკაინის ბარიგა არ არის მკვლელი?!

სპეცრაზმში როცა ვმუშაობდი და ტყეში გვქონა დავალებები, გველი თუ შეგვხვდებოდა თავს ვუჩეჩქვავდი და ვმარხავდი. ასე ვუზამ მირიანსაც, სხვას ღმერთი მოიყვანს სისრულეში.

– სპეცრაზმში მუშაობდით?

– დიახ, არ დაგიმალავთ და გეტყვით, მე ღრმა დაშიფვრის ოფიცერი ვიყავი საიდუმლო სამსახურში. ჩანერგვა რა არის ხომ ხვდებით? ვანო მერაბიშვილთან ვმუშაობდი, მე გავხსენი მუხროვანის ამბოხი. ნდობაში შევედი გია ღვალაძესთან და კიდევ ოთხ პირთან, შემოვიტყუე ჩემთან სახლში და ისე ავიყვანეთ, ერთი ტყვია არ გავარდნილა ჩემს სახლში.

მერე კანტუზია დამემართა, ვეღარ ვმუშაობდი და პენსიაში გავედი, მაგრამ პროფესიონალი პროფესიონალად რჩება. მყავს ძმაკაცი საიდუმლო სამსახურში… საბურთალოს სასტავს შეხვდა ის, დალიეს, ილაპარაკეს ბიჭებმა და უთხრეს, როცა გიორგი შაქარაშვილი და გური ამირხანაშვილი გაიქცნენ, გიორგი წყალში გადავარდა, ამის გამო ამირხანაშვილს შეეშინდა და იმიტომ ამოვიდა გზაზეო.

ჩემმა შვილმაც მითხრა, როცა მცხეთიდან მოვდიოდით, ამირხანაშვილი ამბობდა, ნეტა არ გავქცეულიყავითო.

prime time

Facebook Comments

ახალი დადებული