მათიკაშვილი დავით ბაქრაძეს: ტყუილი და ფარსია, თქვენი ვითომ ურა პატრიოტული რიტორიკა

„დავით ბაქრაძის ცინიზმს და უპასუხისმგებლობას დანაშაულამდე ერთი ნაბიჯი აშორებს: დიახ, ჩვეულებრივი დანაშაული და ღალატია საკუთარი ხალხის და ქვეყნის როდესაც სამშობლოს დამცველ ჯარისკაცებს საკუთარი ქვეყნის დაბომბვაში ადანაშაულებ“, – ამის შესახებ საპარლამენტო უმრავლესობის წევრი დავით მათიკაშვილი Facebook-ის პირად გვერდზე წერს.

მათიკაშვილის თქმით, დავით ბაქრაძე და „ნაც სექტის“ ანასხლეტები სრულიად აბსურდულ და არარელევანტურ განცხადებებს აკეთებენ.

„რატომ დაუჭირეს თურმე მხარი 2008 წლის კონფლიქტის დასრულებიდან ძალიან მალევე, ევროსაბჭოს საპარლამენტო ასამბლეაში რეზოლუციას, რომლის შესაბამისად ქართული მხარე დადანაშაულებულია ომის დაწყებაში და ცხინვალის კასეტური ჭურვებით დაბომბვაში?! თურმე იმიტომ იქ, იმ რეზოლუციაში რუსეთს ოკუპანტის სტატუსი მინიჭებია! დავით ბაქრაძის ცინიზმს და უპასუხისმგებლობას დანაშაულამდე ერთი ნაბიჯი აშორებს: დიახ, ჩვეულებრივი დანაშაული და ღალატია საკუთარი ხალხის და ქვეყნის როდესაც სამშობლოს დამცველ ჯარისკაცებს საკუთარი ქვეყნის დაბომბვაში ადანაშაულებ და რატომ? რუსეთის ოკუპანტეობის დასამტკიცებლად გაეროს უშიშროების საბჭო რამდენჯერ გამოიყენეს ნაცებმა, აბა იკითხეთ?! არც ერთხელ! ვინ განაცხადა გენერალურ ასამბლეაში 2008 წლის ომისა და კონფლიქტის დაწყება? გგონიათ იმ დროინდელმა ხელისუფალმა სააკაშვილ – ბაქრაძემ? არაა, რუსეთმა! ვინ მიყიდა ოკუპანტს ომის დასრულებიდან ძალიან მალევე სტრატეგიული დანიშნულების ენერგო ობიექტები?! მიხეილ სააკაშვილმა, დავით ბაქრაძის და სხვა „ნაც კლასტერის“ ხელდასმითა და ტაშის დაკვრით!!! ამიტომ ტყუილი და ფარსია, ბატონო დავით, თქვენი ვითომ ურა პატრიოტული რიტორიკა!!! ვეღარ მოატყუებთ თქვენ ქართველ ხალხს ვეღარასდროს!!

2020 წლის 31 ოქტომბერს კიდევ ერთხელ მიიღებს „ნაციონალურ კრიმინალური ბანდა“ და მისი ანასხლეტები ქართველი ხალხისგან საკადრის პასუხს“, – აცხადებს მათიკაშვილი.

Facebook Comments

ახალი დადებული