ერთ-ერთი ბრალდებულის დედა: ბავშვი მოკლა იმან, ვინც საქმე გააყალბა,მას ჩემთვის ერთი სახელი აქვს, მირიან ნიკოლაძე

„ბავშვი მოკლა იმან, ვინც საქმე გააყალბა,მას ჩემთვის ერთი სახელი და გვარი აქვს, მირიან ნიკოლაძე“, – ამის შესახებ ფეხბურთელ გიორგი შაქარაშვილის განზრახ მკვლელობის საქმეზე ერთ-ერთი ბრალდებულის ნიკოლოზ რევაზიშვილის დედამ ეკა წულუკიძემ განაცხადა.

წულუკიძე ამბობს, რომ მისი შვილი ვასილ მახარაძის მანქანაში არ იმყოფებოდა. ბრალდებულის დედით თქმით, მახარაძის იმიტომ არ აქვს ბრალი წარდგენილი, რომ გამოძიებას ასე აწყობს.

„მოკლა იმან ვინც საქმე თავიდან ბოლომდე გააყალბა, ვინც ხელს აფარებს ადამიანებს ვინც შესაძლებელია თუ ასეთი არსებობს, ბავშვის მკვლელებს ხელს აფარებს, სწორედ მან მოკლა და მას ჩემთვის ერთი სახელი და გვარი აქვს – ეს არის მირიან ნიკოლაძე. ვინც იჯდა ამ მანქანაში ვასოსთან და აჩიკოსთან დაკავშირებით მათ იცნობდა და სწორედ მაგიტომ წავიდა, რომ რამე გაგრძელება არ მოჰყოლოდა იმ დაპირისპირებას, რაზეც ბავშვები საუბრობდნენ. მახარაძეს ბრალი იმიტომ არ აქვს წარდგენილი, რომ ეს მათ აწყობთ. ახლა ყველა ცდილობს, რომ რატომღაც ვასო მახარაძის მანქანაში მოხვდეს“, – აღნიშნა წულუკიძემ.

ინფორმაციისთვის, 19 ივ­ნისს ახალგაზრდა სპორტსმენის გი­ორ­გი შა­ქა­რაშ­ვი­ლის და­კარ­გვის შე­სა­ხებ ოჯახ­მა ში­ნა­გან საქ­მე­თა სა­მი­ნის­ტროს მი­მარ­თა. 4 დღიანი სამძებრო სამუშაოების შემდეგ მყვინ­თა­ვებ­მა ფეხ­ბურ­თელ გი­ორ­გი შა­ქა­რაშ­ვი­ლის ცხე­და­რი წყალ­ში იპო­ვეს. შაქარაშვილის გარდაცვალების სამეზე  17 პირი დააკავეს.

Facebook Comments

ახალი დადებული