დავით გეგიძე, რომელმაც ბათუმში ექიმს სცემა, „ნაცმოძრაობის“ წევრი და ამ პარტიიდან ბათუმის საოლქო საარჩევნო კომისიის წარმომადგენელია

ბათუმის რესპუბლიკური საავადმყოფოს ექიმს, ჯუმბერ ბოლქვაძეს ფიზიკური შეურაცხყოფა მიაყენეს. ამის შესახებ ინფორმაციას „პრაიმტაიმი“ სამედიცინო დაწესებულებაზე დაყრდნობით ავრცელებს.

ექიმის ცემის ფაქტი რესპუბლიკური საავადმყოფოს შესასვლელში მას შმდეგ მოხდა, რაც ექიმმა მოქალაქე დავით გეგიძეს კოვიდინფიცირებული მეგობრის მონახულების უფლება არ მისცა.

ამან გეგიძის გაღიზიანება გამოიწვია, რის შემდეგაც ექიმს სახის არეში რამდენჯერმე ჩაარტყა.

დავით გეგიძე „ნაციონალური მოძრაობის“ წევრი და ამავე პარტიიდან ბათუმის საოლქო საარჩევნო კომისიის წარმომადგენელია.

ის უკვე დაკავებულია. შსს-ში „პრაიმტაიმს“ განუმარტეს, რომ ფაქტზე გამოძიება სისხლის სამართლის კოდექსის 126-ე მუხლით დაიწყო, რაც ძალადობას გულისხმობს.

Facebook Comments
%d bloggers like this: