ვერაფერ ცუდს ვერ ვხედავ, „თბილისო“ ცნობილი სიმღერაა, რომელიც ორ ენაზე შეიქმნა

Nusagi

ვერაფერ ცუდს ვერ ვხედავ იმაში, რაც მოვისმინე სცენიდან. ეს არის სიმღერა, რომელიც თავიდან ორ ენაზე იყო შესრულებული, – ასე გამოეხმაურა „ნაციონალური მოძრაობის“ წევრი ზაალ უდუმაშვილი პარტიის საარჩევნო სიის პირველი ნომრის, ბუბა კიკაბიძის მიერ „თბილისოს“ რუსულ ენაზე შესრულებას. 

უდუმაშვილის თქმით, სიმღერა „თბილისო“ თავიდანვე ორ ენაზე შეიქმნა.

„მე არ მიმიდევნებია სოციალური ქსელისთვის თვალი, მაგრამ ერთი რამე შემიძლია ვთქვა, რომ ეს არის სიმღერა, რომელიც თავიდან ორ ენაზე იყო შესრულებული და დიდი პოპულარობით სარგებლობდა. ალბათ, მხოლოდ და მხოლოდ ამიტომ იმღერა ბატონმა ბუბამ ეს სიმღერა და მას არანაირი პოლიტიკური დატვირთვა არ გააჩნია, გარდა იმისა, რომ ეს არის ულამაზესი სიმღერა თბილისზე. მე ნამდვილად არ ვიცოდი ბატონი ბუბას რეპერტუარი, მაგრამ ვერაფერ ცუდს ვერ ვხედავ იმაში, რაც მე მოვისმინე სცენიდან. ეს სიმღერა თავიდანვე შექმნილი იყო ასე. ეს არის ცნობილი სიმღერა, რომელიც ორ ენაზეა. გაიგონ ოკუპანტებმა, როგორ კარგ ქალაქში ვცხოვრობთ. ასე რომ, ეს არ არის პრობლემა“, – განაცხადა ზაალ უდუმაშვილმა.

Facebook Comments

ახალი დადებული

%d bloggers like this: