სამართალი

ვალერიან ნემსიწვერიძის მკვლელობაზე ბრალი უბნის მაღაზიის მეპატრონეს წარუდგინეს

Nusagi

ავჭალაში, ავტომანქანაში ჩაცხრილული ვალერიან ნემსიწვერიძის მკვლელობის საქმეზე ბრალი შემთხვევის ადგილზე მდებარე მაღაზიის მეპატრონეს – ვასილ ჯანჯღავას წარუდგინეს. ამის შესახებ „ინტერპრესნიუსი“ მოკლულის ოჯახის ადვოკატ ნიკოლოზ წულეისკირზე დაყრდნობით იუწყება.

როგორც წულეისკირი განმარტავს, ჯანჯღავას ბრალი დაუსწრებლად წარედგინა და მას სამართალდამცავები ამ დრომდე ეძებენ. ადვოკატის თქმითვე, ჯანჯღავას ბრალი გასულ თვეს, სისხლის სამართლის კოდექსის, 236-ე და 108-ე მუხლებით წარუდგინეს, რაც ცეცხლსასროლი იარაღის უკანონო შეძენა-შენახვა-ტარებასა და განზრახ მკვლელობას გულისხმობს.

ადვოკატის განცხადებით, საგამოძიებო ორგანოსთვის საქმის ირგვლივ ყველა დეტალი, ასევე ბრალდებულის ვინაობა მკვლელობიდან რამდენიმე დღეშივე იყო ცნობილი, თუმცა, წულეისკირის განმარტებითვე, ერთადერთი, რაც ამ საქმეში არავინ იცის, მკვლელობის მოტივია.

ცნობისთვის, ავჭალაში, ვალერიან ნემსიწვერიძე ავტომანქანაში ჩაცხრილული დაახლოებით, ორი თვის წინ იპოვეს. გამოძიება ორი მუხლით – 236-ე მუხლის მესამე და მეოთხე ნაწილით, ასევე 108-ე მუხლით მიმდინარეობს, რაც ცეცხლსასროლი იარაღის უკანონო შეძენა-შენახვა-ტარებას და განზრახ მკვლელობას გულისხმობს. ვალერიან ნემსიწვერიძე წარსულში ერთ-ერთ გახმაურებულ საქეში ფიგურირებდა. მას 2004-2008 წლის მოწვევის პარლამენტის დეპუტატის კახა გიუაშვილის მკვლელობის დაგეგმვას ედავებოდნენ, რომელიც დაქირავებულ „ქილერს“, დავით მინდაძეს უნდა შეესრულებინა. მოგვიანებით დავით მინდაძემ და ვალერიან ნემსიწვერიძემ საქართველოს სტრასბურგში უჩივლეს. ისინი ციხეში არადამიანურ მოპყრობასა და წამებას ასაჩივრებდნენ. ადამიანის უფლებათა ევროპულმა სასამართლომ მათი საჩივარი დააკმაყოფილა. ვალერიან ნემსიწვერიძე 2013 წელს, ამნისტიის საფუძველზე გათავისუფლდა.

Facebook Comments Box

AD

Nusagi

ტოპ პოსტები

კატეგორიები

ნახვები

  • 2,694,787 ნახვა
%d bloggers like this: