მედიცინა

ევროპის რამდენიმე ქვეყანა შეშფოთებულია, რომ „ფაიზერის“ ვაქცინის იმაზე ნაკლები დოზა მიიღეს, ვიდრე ელოდებოდნენ

Nusagi

ევროპის რამდენიმე ქვეყანა შეშფოთებულია იმ ფაქტით რომ, „ფაიზერის“ ვაქცინის იმაზე გაცილებით ნაკლები დოზა მიიღეს, ვიდრე ელოდებოდნენ. ინფორმაციას „ბიბისი“ ავრცელებს.

შვედეთი, დანია, ფინეთი, ლიეტუვა, ლატვია და ესტონეთი ევროკავშირს მოუწოდებენ, რომ ზეწოლა განახორციელონ „ფაიზერზე“, რათა კორონავირუსის საწინააღმდეგო ვაქცინის დისტრიბუცია დროულად მოხდეს.

კომპანია „ფაიზერში“ ამბობენ, რომ დისტრიბუციის პროცესში ხარვეზის მიზეზი წარმოების პროცესში არსებული ცვლილებები გახდა. ამ ცვლილებების მიზანი კი, ვაქცინის გაცილებით დიდი რაოდენობით წარმოებაა.

„ეს დროებით გავლენას მოახდენს იანვრის ბოლოს და თებერვლის დასაწყისში განსახორციელებელ გადაზიდვებზეც, თუმცა მნიშვნელოვნად გაიზრდება ვაქცინის დოზა თებერვალსა და მარტში“, – აცხადებენ „ფაიზერში“.

ევროკომისიის პრეზიდენტი ურსულა ფონ დერ ლაიენი აცხადებს, რომ მან კომპანია „ფაიზერის“ ხელმძღვანელებისგან მიიღო გარანტია, რომ წლის პირველ ნახევარში დაპირებული დოზის დისტრიბუცია აუცილებლად მოხდება.

Facebook Comments

AD

Nusagi

ტოპ პოსტები

კატეგორიები

ნახვები

  • 2,475,375 ნახვა
%d bloggers like this: