პოლიტიკა

მიხეილ სააკაშვილის კადრმა ირაკლი ეზუგბაიამ „უკრაინის რკინიგზის“ კომერციული დირექტორის თანამდებობა დატოვა

Nusagi

„უკრაინის რკინიგზის“ გამგეობის წევრმა, კომერციულმა დირექტორმა, ირაკლი ეზუგბაიამ თანამდებობა დატოვა. ამის შესახებ უკრაინული მედია იუწყება .

„შექმნილი სიტუაციიდან გამომდინარე გადავწყვიტე, დაკავებული თანამდებობა დავტოვო. იმედი მაქვს, რომ ეს ჩემი ნაბიჯი რეფორმების გაგრძელებას შეუწყობს ხელს. ის ფული, რაც „უკრაინის რკინიგზამდე“ არ აღწევს, ცალსახად ვიღაც სხვასთან მიდის. არსებობენ ძალები, რომლებსაც ეროვნული სატვირთო გადამზიდი კომპანიის არსებობა არ სურთ. დაიწყო დევნა, რომელიც ყველა გონივრულ ზღვარს გასცდა. ამასთანავე, ნელი ტემპით მიმდინარეობს რკინიგზის რეფორმა, რომელიც 10 წლის წინ უნდა ჩატარებულიყო. რეფორმის გარეშე პოზიტიური შედეგების მიღწევა შეუძლებელია“, – განაცხადა ეზუგბაიამ.

იანვრის ბოლოს რადამ „უკრაინის რკინიგზის“ საქმიანობის შემსწავლელი დროებითი საგამოძიებო კომისია შექმნა. ამის მიზეზად ცუდი ეკონომიკური მაჩვენებლები და კორუფციასთან ბრძოლის არადამაკმაყოფილებელი ტემპი დასახელდა. საგამოძიებო კომისიამ მიმართა უკრაინის მთავრობას და „უკრაინის რკინიგზის“ ხელმძღვანელის, ვლადიმირ ჟმაკის მუშაობის შეფასება სთხოვა. ჟმაკმა, რომელიც ოდესის საოლქო ადმინისტრაციაში მიხეილ სააკაშვილის პირველი მოადგილის პოსტს იკავებდა, განაცხადა, რომ მზად არის ყველა კითხვას სიცრუის დეტექტორზე უპასუხოს. ვლადიმირ ჟმაკს საჯაროდ დაუჭირა მხარი საქართველოს ყოფილმა პრეზიდენტმა მიხეილ სააკაშვილმაც.

ირაკლი ეზუგბაია „უკრაინის რკინიგზის“ კომერციული დირექტორის პოსტზე 2020 წლის 29 სექტემბერს დაინიშნა. 2005-2012 წლებში ის „საქართველოს რკინიგზას“ ხელმძღვანელობდა.

Facebook Comments Box

ავტორის შესახებ

Info Postalioni

AD

Nusagi

ტოპ პოსტები

კატეგორიები

ნახვები

  • 2,564,847 ნახვა
%d bloggers like this: