სპორტი

ზოიძემ და გობაძემ ოლიმპიადის ლიცენზიები მოიპოვეს #1TVSPORT

Nusagi

უნგრეთის დედაქალაქში მიმდინარე ტოკიოს ოლიმპიადის სალიცენზიო ტურნირზე დღეს ბერძნულ-რომაული სტილით მოჭიდავე ოთხმა ქართველმა იასპარეზა, საიდანაც ორი ნახევარფინალში გავიდა. შეჯიბრებაში ექვს ოლიმპიურ წონით კატეგორიაში თამაშდება მედლები და ოლიმპიადის საგზურებს მხოლოდ ფინალში გასული სპორტსმენები იღებენ.

67კგ-ში რამაზ ზოიძე ოლიმპიადის ლიცენზიის მოსაპოვებლად სომეხ სლავიკ გალსტიანს შეხვდა და მეტოქეს აშკარა უპირატესობით აჯობა. ასევე ფინალში გასასვლელად და ოლიპიადის საგზურისთვის იბრძოდა ლაშა გობაძეც (87), რომელმაც ნახევარფინალში რუსი მილად ალირზაევი დაძაბულ ორთაბრძოლაში დაამარცხა და ორივე ქართველმა ჩვენს ნაკრებს ოლიმპიური საგზურები მოუპოვა.

შეგახსენებთ, რომ ბერძნულ-რომაულში საქართველოს ნაკრებს ორ წონაში ოლიმპიადის საგზური უკვე აქვს, რომელიც ნურსულთანში მსოფლიოს ჩემპიონატზე გიორგი მელიამ (97 კგ) და იაკობ ქაჯაიამ (130 კგ) აიღეს.

მედლები ხვალ, 21 მარტს გათამაშდება. ბუდაპეშტის ტურნირი ოლიმპიადის ლიცენზიის მოსაპოვებელი ბოლოსწინა შეჯიბრია. ბოლო ტურნირი კი სოფიაში 6-9 მაისს გაიმართება, სადაც მოჭიდავეები მთელი მსოფლიოდან ჩავლენ და იქაც საგზურებს ფინალისტები მოიპოვებენ.

შეგახსენებთ, რომ ბუდაპეშტში თავისუფალი სტილით ჭიდაობაში ოლიმპიური ლიზენციის აღება მხოლოდ ავთანდილ კენჭაძემ შეძლო.

Facebook Comments Box

AD

Nusagi

ტოპ პოსტები

კატეგორიები

ნახვები

  • 2,553,364 ნახვა
%d bloggers like this: