პოლიტიკა

იმის შიშით, დაფინანსება არ მომიხსნან, პარლამენტში შევიდე, გინდათ ეგეთი პარტია ან შალვა ნათელაშვილი?

Nusagi

პარლამენტში შესულ ოპოზიციას მოვუწოდებ, რადგან ოლიგარქმა რეპრესიების ახალი ტალღა დაიწყო, გამოაცხადეთ ბოიკოტი და დატოვეთ პარლამენტი, – ამის შესახებ „ლეიბორისტული პარტიის“ ლიდერმა შალვა ნათელაშვილმა განაცხადა.

“როგორც ცნობილია, ვერანაირმა ზეწოლამ „ლეიბორისტული პარტია“ ვერ აიძულა, შესულიყო ივანიშვილის სახელობის პარლამენტში და გაეთეთრებინა გაყალბებული არჩევნების შედეგები, მიტაცებული, უზურპირებული ძალაუფლება. სასჯელმაც არ დააყოვნა, ამ წუთში პარლამენტის პლენარული სხდომა იხილავს კანონს ფაქტობრივად, „ლეიბორისტული პარტიის“ საქმიანობის აკრძალვის თაობაზე, რომლის თანახმადაც, ჩვენ გვერთმევა კომისიებში დელეგირება, სარეკლამო უფლება, ის მათხოვრული დაფინანსებაც, რომელიც მილიარდელმა ივანიშვილმა დაგვიტოვა, 20 000 ლარი თვეში. ფიქრობენ, რომ ამით „ლეიბორისტულ პარტიას“ დაასრულებენ. მე კი, მათ ვპირდები, უფრო მალე დაასრულებენ ძალაუფლებით ტკბობას და ხელისუფლებაში ყოფნას.

პარლამენტში შესულ ოპოზიციას მოვუწოდებ, რადგან ოლიგარქმა რეპრესიების ახალი ტალღა დაიწყო, გამოაცხადეთ ბოიკოტი და დატოვეთ პარლამენტი. მოვუწოდებ უუფლებო პრეზიდენტს, მაგრამ მაინც ამ ხელშეკრულების გარანტორს, დაადე ვეტო აღნიშნულ კანონპროექტს, თუ ის მიღებული იქნება”, – განაცხადა შალვა ნათელაშვილმა.

შალვა ნათელაშვილმა საქართველოს პრეზიდენტს სალომე ზურაბიშვილს პარტიების დაფინანსების კანონპროექტზე ვეტოს დადებისკენ მოუწოდა.

„როგორც ცნობილია, ვერანაირმა ზეწოლამ „ლეიბორისტული პარტია“ ვერ აიძულა, შესულიყო ივანიშვილის სახელობის პარლამენტში და გაეთეთრებინა გაყალბებული არჩევნების შედეგები, მიტაცებული, უზურპირებული ძალაუფლება. სასჯელმაც არ დააყოვნა, ამ წუთში პარლამენტის პლენარული სხდომა იხილავს კანონს ფაქტობრივად, „ლეიბორისტული პარტიის“ საქმიანობის აკრძალვის თაობაზე, რომლის თანახმადაც, ჩვენ გვერთმევა კომისიებში დელეგირება, სარეკლამო უფლება, ის მათხოვრული დაფინანსებაც, რომელიც მილიარდელმა ივანიშვილმა დაგვიტოვა, 20 000 ლარი თვეში. ფიქრობენ, რომ ამით „ლეიბორისტულ პარტიას“ დაასრულებენ. მე კი, მათ ვპირდები, უფრო მალე დაასრულებენ ძალაუფლებით ტკბობას და ხელისუფლებაში ყოფნას.
პარლამენტში შესულ ოპოზიციას მოვუწოდებ, რადგან ოლიგარქმა რეპრესიების ახალი ტალღა დაიწყო, გამოაცხადეთ ბოიკოტი და დატოვეთ პარლამენტი. მოვუწოდებ უუფლებო პრეზიდენტს, მაგრამ მაინც ამ ხელშეკრულების გარანტორს, დაადე ვეტო აღნიშნულ კანონპროექტს, თუ ის მიღებული იქნება.მოვუწოდებ ჩვენს მოკავშირეებს ბრიუსელსა და ვაშინგტონში, ბოლოს და ბოლოს შობეთ და დაადეთ სანქციები ბიძინა ივანიშვილის მრავალმილიარდიან ქონებას, რომელიც ჩვენგან მოპარულია და თქვენთან გამოტანილი. ბოლოს და ბოლოს, რას ელოდებით, ვიდრე არ მოაწყობს საკონცენტრაციო ბანაკს და ყველას არ შეგვყრის იქ ოფიციალურად?

ამგვარი რეპრესია პოლიტიკური პარტიის მიმართ არც ერთ დიქტატორს არ ჩაუდენია ბოლშევიკების და ადოლფ ჰიტლერის გარდა. ჩილეშიც კი რომ მოხდა სახელმწიფო გადატრიალება, იქ პარტიების საქმიანობა მხოლოდ დროებით შეაჩერეს. სახეზეა არნახული, ბოროტებით აღსავსე დიქტატურა, რომელიც ებრძვის საქართველოს მომავალს.

ამ ეტაპზე ეს კანონპროექტი, კი, „ლეიბორისტული პარტიის“ დასასჯელად არის მიმართული, მაგრამ ხვალ საქართველოს მომავლის წინააღმდეგ გადადგმული ნაბიჯია, რათა როცა ივანიშვილი არჩევნებს გააყალბებს, ძალაუფლებას მიიტაცებს, ვერავინ გაბედოს პროტესტი, ვერც ერთი პარტია ქუჩაში ვერ გამოვიდეს და მუდმივად იყოს ივანიშვილების დინასტია ჩვენს მჩაგვრელად და ტყავის გამძრობად.

შევახსენებ აშშ-ის ელჩ კელი დეგნანს, ევროკავშირის ელჩ ჰარცელს, შარლ მიშელის სახელად მონათლული ხელშეკრულება მათი შუამავლობით იქნა მიღებული, მათი თავდადებული შრომით და იძულებით, რომ ოპოზიცია შეეყარათ პარლამენტში. ახლა ამოიღეთ ხმა, რატომ სხედხართ კაბინეტებში ჩუმად, რას ელოდებით, რატომ ფარავთ პუტინის ოლიგარქს. იგივეა, რომ ჯული ფიშერმა, ჩემმა მეგობარმა ბელარუსში, აშშ-ის ელჩმა დაუწყოს ლუკაშენკოს ლობირება და დაიწყოს ოპოზიციასთან მუშაობა, რომ ლუკაშენკოს საპარლამენტო არჩევნები გაუთეთრონ. რითაა ივანიშვილი ლუკაშენკოზე ნაკლები, იმ კაცმა სამუშაო ადგილები მაინც შეინარჩუნა, ამან ყველაფერი დააქცია და ვერ გავიგე, რატომაა ორმაგი სტანდარტი ვაშინგტონიდან, როდესაც ერთ დიქტატორს ქოლავენ და მეორეს, მასზე უარესს ათამამებენ და მთელს ქვეყანას თავზე ასვამენ. თუ ივანიშვილს ჰგონია, რომ დაფინანსების შეწყვეტის გამო დავანებებთ თავს მისი ჩამოგდების გეგმებს, ძალიან ცდება. მას აუცილებლად მოვახვედრებთ გლდანის ციხეში, მე მას შევპირდი და შევუსრულებ. რასაც დღემდე შევპირდი, შევუსრულე და კიდევ შევუსრულებ.
ვთქვი სიტყვა, რომ პარლამენტში არ შევალ, ვერანაირი ძალა იქ ვერ შეგვიყვანს. პირველად იყო სიტყვა და სიტყვა იყო ღმერთი, რადგან სიტყვა ვთქვით, ის უნდა შესრულდეს. რა თქმა უნდა, ეს სერიოზული პრობლემაა, არც ბიზნესი გვაფინანსებს, არც ოლიგარქთან ვართ შეკრული, მაგრამ ბრძოლას გავაგრძელებთ. ჩვენ გვაქვს გამოცდილება, 12 წელი, 1995 წლიდან 2007 წლამდე არ ვფინანსდებოდით და პარტიის ყველაზე დიდი მიღწევები სწორედ იმ წლებში იყო. მთავარია სიმართლე, ბრძოლა, იდია, ყველაფერი სხვა მეორეხარისხოვანია. მთავარია სიტყვა, ვთქვით, არ შევდივართ და არ შევალთ. როგორ მოგეწონებათ თქვენ, ან საზოგადოებას, იმის შიშით, რომ დაფინანსება არ მომიხსნან, პარლამენტში შევიდე, გინდათ ეგეთი პარტია ან შალვა ნათელაშვილი? მე თვითონ არ მენდომება ჩემი თავი“, – განაცხადა შალვა ნათელაშვილმა.

Facebook Comments Box

AD

Nusagi

ტოპ პოსტები

კატეგორიები

ნახვები

  • 2,587,027 ნახვა
%d bloggers like this: