სოციალური ქსელები და მედია

„ქართული ოცნების“ კომუნიკაციების ჯგუფმა გააანალიზა 3 მედიასაშუალების – „მთავარი“, „ტვ პირველი“, „ფორმულა“ – საინფორმაციო პოლიტიკა

Nusagi

დემოკრატიული არჩევნების ჩატარებისთვის ერთ-ერთ მნიშვნელოვან ფაქტორს მოქალაქეების მიერ ინფორმირებული არჩევანის გაკეთება წარმოადგენს. ყალბი ინფორმაციის გავრცელება სწორედ ამ დემოკრატიული პრინციპის დაზიანების მძლავრი იარაღია, – ამის შესახებ „ქართული ოცნების“ საზოგადოებასთან ურთიერთობის მდივანმა, შალვა პაპუაშვილმა ბრიფინგზე განაცხადა.

მისივე თქმით, ჭორები, მოსმენილი ამბის გადმოცემა, ფაქტების დამახინჯება გამოიყენება პოლიტიკური მოწინააღმდეგეების რეპუტაციის შელახვისთვის და დისკრედიტაციისთვის. სიმართლესა და მონაგონს შორის ზღვარის განზრახ გაბუნდოვნება აძლიერებს ამომრჩევლების დაბნეულობას და ხელს უშლის
ფაქტებზე დაფუძნებულ პოლიტიკურ დისკუსიას.

„განსაკუთრებით წინასაარჩევნო პერიოდში ძლიერდება გარკვეული ტელეკომპანიების მხრიდან, ხელისუფლების და მისი წარმომადგენლების მისამართით მიზანმიმართული დეზინფორმაციისა და ზიზღის კამპანია.
სწორედ ამიტომ „ქართული ოცნების“ კომუნიკაციების ჯგუფმა შეისწავლა ამ მხრივ მედიაში არსებული გარემო, რათა გამოევლინა ინფორმაციის ცალმხრივი, დაუბალანსებელი და მანიპულაციური გაშუქება.
ანგარიშში გაანალიზებულია, სამი მედიასაშუალების – „მთავარი“, „ტვ პირველი“, „ფორმულა“ – საინფორმაციო პოლიტიკა, მათი მთავარი საინფორმაციო გამოშვებებისა და თოქ-შოუების მაგალითზე. მედია მონიტორინგის პერიოდი მოიცავს 2021 წლის 1-12 სექტემბრამდე შუალედს.


ანგარიშის მომზადებისას, შემუშავდა თვისებრივი და რაოდენობრივი მონიტორინგის მეთოდოლოგია.
შინაარსობრივი ანალიზი განხორციელდა ისეთ კრიტერიუმებზე დაკვირვებით,
როგორიცაა:
 ფაქტების სიზუსტე;
 წყაროთა სიცხადე;
 წყაროთა ნეიტრალურობა

საინფორმაციო გამოშვებების შინაარსობრივი ანალიზისას, რეპორტაჟები შემდეგი
კატეგორიით დაიყო:
 დეზინფორმაცია;
 ზიზღის ენა;
 მანიპულაციური შინაარსის შემცველი სიუჟეტები;

 დაუსაბუთებელ ვარაუდებზე დაყრდნობით, მტკიცებით ფორმაში ხდება
ინფორმაციის ტირაჟირება;


 ინფორმაციის წყარო არის ბუნდოვანი;
 ხორციელდება ფაქტების ცალმხრივი გაშუქება და ნეგატივის წინა პლანზე
მიზანმიმართული წამოწევით ამბის ხელოვნური დრამატიზება;
ძირითადი მიგნებები


 ხელისუფლების მიმართ დისკრედიტაციის შემცველი ინფორმაციის
დომინირება;


 გადაუმოწმებელი ფაქტებისა და ინფორმაციის ტირაჟირება;
 ბრალდების ტირაჟირება ისეთი სპიკერების დაუსაბუთებელ
ინფორმაციაზე დაყრდნობით, რომლებიც თავად არიან თემასთან
მიმართებით მხარე.


 უნდა აღინიშნოს, რომ საინფორმაციო გამოშვებებში ხშირად მოსაზრებები
წარმოჩენილია ფაქტებად. რიგ თემებთან მიმართებით, თავად
რეპორტაჟიდანვე ჩანს, რომ რეალური სურათი სხვაგვარია, თუმცა
გაშუქების ხაზი მაინც არ იცვლება.


 განსაკუთრებით აქტუალურია პრემიერ-მინისტრისა და დედაქალაქის
მერობის „ქართული ოცნების“ კანდიდატის დისკრედიტირების
მცდელობები. მათ შორის, აღნიშნული პერსონები არიან სიძულვილის და
ზიზღის ენის ობიექტები.

აღნიშნული ანგარიში საჯაროა და გადაეცემა, როგორც ადგილობრივ ისე საერთაშორისო სადამკვირვებლო მისიებს.
ანგარიშში წარმოდგენილია ასევე სია, სიუჟეტების სამაგალითო აღწერა, რომელსაც ყველას შეუძლია გაეცნოს და ჩვენ მზად ვართ, ნებისმიერ სიუჟეტთან დაკავშირებით ჩვენი არგუმენტები მოგახსენოთ და ერთად ვნახოთ, შეესაბამება თუ არა დეზინფორმაციის, ზიზღის ენის და მანიპულაციის კატეგორიებს.

კიდევ ერთხელ ხაზს ვუსვამთ, რომ დეზინფორმაცია, როგორც მცდარი აღქმების შექმნის ინსტრუმენტი, წარმოადგენს ერთ-ერთ უმთავრეს საფრთხეს მოქალაქეების მიერ ინფორმირებული არჩევანის გაკეთებისთვის. სწორედ ამიტომ, მოვუწოდებთ, განსაკუთრებით იმ ადგილობრივ არასამთავრობო ორგანიზაციებს, რომლებიც ახორციელებენ სპეციალურ პროექტებს დეზინფორმაციის და ზიზღის ენის ტირაჟირების წინააღმდეგ, დაინტერესდნენ ამ ტენდეციებით და შეაფასონ ამგვარი საინფორმაციო
პოლიტიკის გავლენა არჩევნების დემოკრატიულ პირობებში ჩატარებაზე.“,-განაცხადა შალვა პაპუაშვილმა.

Facebook Comments Box

ავტორის შესახებ

Info Postalioni

AD

Nusagi

ტოპ პოსტები

კატეგორიები

ნახვები

  • 2,775,423 ნახვა
%d bloggers like this: