საზოგადოება

„სააკაშვილი შიმშილობის შეწყვეტას არ აპირებს“ – ნიკა გვარამია

Nusagi

„არ აპირებს შიმშილობის შეწყვეტას და შესაბამისად სამედიცინო ადმინისტრირებაზეც უარი აქვს ნათქვამი“, – ამის შესახებ მესამე პრეზიდენტის მიხეილ სააკაშვილის ადვოკატმა ნიკა გვარამიამ სააკაშვილთან შეხვედრის შემდეგ ჟურნალისტებს განუცხადა.

გვარამიამ პრემიერის ღია წერილზეც ისაუბრა.

ამასთან, გვარამიას თქმით, ჯანმრთელობის მდგომარეობის მხრივ სააკაშვილი ნორმალურად არის.

„გულწრფელად გეტყვით მიშა სააკაშვილის ადგილას მე არც ვუპასუხებდი ღარიბაშვილის განცხადებას, მაგრამ ეს მისი გადაწყვეტილებაა. ის მზად არის, რომ ნებისმიერი ტესტი ჩაიტაროს. ვისაუბრეთ ციხის დირექტორთან და ძალიან კეთილგონიერი ადამიანის შთაბეჭდილება დატოვა და ვიმედოვნებთ, რომ ძალიან მალე მოგვარდება ტელევიზორთან დაკავშირებული პრობლემა. ყოველ შემთხვევაში, ჩვენ ეს პირობა მივიღეთ.

რაც შეეხება მის მდგომარეობას, ძალიან დიდი ხანია ასეთი სააკაშვილი არ მინახავს. მისი მთავრობის წევრი ვიყავი და როცა პიკზე იყო თავისი აქტივობები, მას შემდეგ ასეთი მხნე არ მინახავს. შიმშილობის არაფერი ეტყობა იმ თვალსაზრისით, რომ ნამდვილად შიმშილობს, მაგრამ ჯერჯერობით ჯანმრთელობის მხრივ ძალიან ნორმალურად არის.

თუმცა ცხადია, რომ უახლოეს დღეებში ჯანმრთელობის მდგომარეობა გაუარესებას დაიწყებს. ბუნებრივია, იგი არ აპირებს შიმშილობის შეწყვეტას და შესაბამისად, სამედიცინო ადმინისტრირებაზეც უარი აქვს ნათქვამი“, – აცხადებს ნიკა გვარამია.

Facebook Comments Box

ავტორის შესახებ

Info Postalioni

AD

Nusagi

ტოპ პოსტები

კატეგორიები

ნახვები

  • 3,990,335 ნახვა
%d bloggers like this: