პოლიტიკა

ჩვენს ღირსეულ კანდიდატს წალენჯიხაში უპირისპირდება ყველაზე ანტიეროვნული და სახელმწიფოს მტერი ორგანიზაცია „ნაცმოძრაობის“ წარმომადგენელი

Nusagi

ჩვენი ამოცანაა, რომ გოგამ, ჩვენმა კანდიდატმა მოიგოს ძალიან დიდი უპირატესობით ამ არჩევნებში, იმისთვის, რომ ქვეყანა ერთხელ და სამუდამოდ დაწყნარდეს, დამშვიდდეს და ჩვენს ხალხს მიეცეს საშუალება იმისა, რომ რეალურად, მთავრობამ იზრუნოს მათი პრობლემების მოგვარებაზე, გადაჭრაზე, განვითარებასა და პროგრესზე, –  ამის შესახებ საქართველოს პრემიერ-მინისტრმა ირაკლი ღარიბაშვილმა, წალენჯიხაში, ჟურნალისტებთან საუბრისას განაცხადა.

მთავრობის მეთაურის თქმით, გოგა გულორდავას უპირისპირდება ყველაზე ანტიეროვნული და სახელმწიფოს მტერი, ორგანიზაცია „ნაცმოძრაობის“ წარმომადგენელი.

„ვაგრძელებთ აქტიურ შეხვედრებს ჩვენს საარჩევნო შტაბებთან. ახლა ვიმყოფებოდი წალენჯიხაში და შევხვდი ჩვენს საარჩევნო შტაბს. ძალიან ძლიერი განწყობაა. აქ, მოგეხსენებათ, რომ მეორე ტური გაიმართება. ჩვენ გვყავს ძალიან ღირსეული კანდიდატი, ბატონი გოგა გულორდავა, რომელსაც უპირისპირდება ყველაზე ანტიეროვნული და სახელმწიფოს მტერი, ორგანიზაცია „ნაცმოძრაობის“ წარმომადგენელი. ჩვენი ხალხი ბრძენია და ხალხმა იცის ძალიან კარგად, რა არჩევანი უნდა გააკეთოს. ჩვენ დარწმუნებული ვართ,  ოცივე მუნიციპალიტეტში მოვიგებთ ძლიერად და ჩვენი ამოცანაა, რომ გოგამ, ჩვენმა კანდიდატმა მოიგოს ძალიან დიდი უპირატესობით ამ არჩევნებში, იმისთვის, რომ ქვეყანა ერთხელ და სამუდამოდ დაწყნარდეს, დამშვიდდეს და ჩვენს ხალხს მიეცეს საშუალება იმისა, რომ რეალურად, მთავრობამ იზრუნოს მათი პრობლემების მოგვარებაზე, გადაჭრაზე, განვითარებასა და პროგრესზე. ეს უნდა იყოს ჩვენი მთავარი საზრუნავი, რომ მეორე ტურების შემდეგ, უნდა დასრულდეს ყოველგვარი დისკურსი, ლაპარაკი სააკაშვილზე, „ნაცმოძრაობაზე“ და გადავიდეთ მხოლოდ განვითარებაზე, პროგრესზე, მუშაობაზე. ეს არის ჩვენი მთავარი საზრუნავი“, –  აღნიშნა ირაკლი ღარიბაშვილმა.

Facebook Comments Box

AD

Nusagi

ტოპ პოსტები

კატეგორიები

ნახვები

  • 3,964,329 ნახვა
%d bloggers like this: