პოლიტიკა

„ნაციონალურმა მოძრაობამ“ IPSOS-ის კვლევაში ზუგდიდის მონაცემები შეცვალა, რაც ფაქტებით დასტურდება“ – შალვა პაპუაშვილი

Nusagi

„ქართული ოცნების“ საზოგადოებასთან ურთიერთობის მდივნის შალვა პაპუაშვილის განცხადებით, IPSOS-ის კვლევის შედეგებში „ნაციონალურმა მოძრაობამ“ ზუგდიდის კანდიდატების რეიტინგში მონაცემები შეცვალა, რაც ფაქტებით დასტურდება.

მისი თქმით, აღნიშნულ მუნიციპალიტეტში კვლევითი ორგანიზაციის ვებგვერდზე წარმოდგენილი შედეგებით, „ქართული ოცნების“ კანდიდატი მამუკა წოწერია იმარჯვებს და არა ანზორ მელია – „ნაციონალური მოძრაობიდან“.

„გვინდა საზოგადოებას ვაცნობოთ ერთ-ერთი სკანდალის შესახებ, რომელშიც გაეხვია „ნაციონალური მოძრაობა“, „მთავარი არხი“ და კომპანია IPSOS-ი

როგორც იცით, გუშინ „მთავარ არხზე“ გამოქვეყნდა IPSOS-ის კვლევის შედეგები. ეს შედეგები ასევე დაიდო IPSOS-ის ვებგვერდზე. ჩვენ ხშირად ვსაუბრობდით და ამას ფაქტებიც ადასტურებს, რომ ეს კვლევები იყო მანიპულირებული, ვინაიდან ყოველთვის დიდი აცდენა იყო, თუმცა ამ შემთხვევაში, ჩვენ პირდაპირ ვნახეთ, თუ როგორ ვერ დაიმალა ამ მანიპულაციის კვალი.

ვებგვერდზე გამოქვეყნებულ ინფორმაციაში ნახავთ, რომ ნაცვლად იმ მონაცემებისა, რომელიც გუშინ გამოქვეყნდა „მთავარ არხზე“, სადაც ზუგდიდში, ანზორ მელიასთან დაკავშირებით გამოქვეყნდა 54,7%, ხოლო მამუკა წოწერიასთან დაკავშირებით 45,3%, ამ დოკუმენტში, რომელშიც დევს IPSOS-ის ვებგვერდზე, წერია 51% მამუკა წოწერიას შემთხვევაში და 49% – ანზორ მელიას შემთხვევაში.

საინტერესოა, რომ სხვა მონაცემები თითქოს იგივეა, მაგრამ როგორც ჩანს თავად ეს დოკუმენტი მანიპულირებული იყო და შიგნით ჩარჩა ძველი მონაცემი, რომელიც ნამდვილ მონაცემს შეეფერება.

ეს კიდევ ერთხელ ადასტურებს, თუ როგორ ხდება წინასაარჩევნო კვლევებით მანიპულირება ამ შემთხვევაში, როგორც ჩანს ეს მანიპულაცია დოკუმენტში ბოლომდე ვერ წაიშალა და დარჩა კვალი, რომ თითქმის 5-6% -ია მანიპულაცია ზუგდიდში და მაშინ, როდესაც რეალური შედეგის მიხედვით იგებს „ქართული ოცნება“ და მამუკა წოწერია, გადაკეთებული და მანიპულირებული შედეგით გაცხადდა ისე, თითქოს არჩევნებს იგებს ანზორ მელია. შეგახსენებთ, რომ ეს, როგორც მტკიცებულება დევს ვებგვერდზე და შეგიძლიათ ახლაც ნახოთ.

ჩვენ გვაქვს გამოცდილება ამ კვლევებთან დაკავშირებით. იცით, რომ შარშან, საპარლამენტო არჩევნების წინ გამოქვეყნებულ ბოლო კვლევებში „ქართულ ოცნებას“ IPSOS-ის კვლევის შედეგად უნდა ჰქონოდა 38% მაშინ, როდესაც „ქართულმა ოცნებამ“ რეალურად მიიღო 48% და ახლა, ადგილობრივი თვითმმართველობის არჩევნების წინ IPSOS-ის კვლევის შედეგად „ქართულ ოცნებას“ ჰქონდა 35% მაშინ, როდესაც „ქართულმა ოცნებამ“ მიიღო 47%.

ეს კიდევ ერთხელ ადასტურებს, წინასაარჩევნო კვლევების მანიპულაციის ფაქტს ამ შემთხვევაში IPSOS-ის მხრიდან ისევე, როგორც „მთავარი არხის“ და „ერთიანი ნაციონალური მოძრაობის“ მხრიდან“, – აღნიშნა შალვა პაპუაშვილმა.

Facebook Comments Box

AD

Nusagi

ტოპ პოსტები

კატეგორიები

ნახვები

  • 3,964,057 ნახვა
%d bloggers like this: