ეკონომიკა

ეკონომიკის სწრაფი აღდგენის ფონზე, პირდაპირი უცხოური ინვესტიციების ზრდა შეინიშნება

Nusagi

ეკონომიკის სწრაფი აღდგენის ფონზე, პირდაპირი უცხოური ინვესტიციების ზრდა შეინიშნება, როგორც მესამე კვარტალში, ასევე მთლიანად პირველ 9 თვეში, რაც მოსალოდნელი იყო,-ამის შესახებ ეკონომიკის ექსპერტი გიორგი ცუცქირიძე სოციალურ ქსელში წერს.

მისი თქმით,წლის განმავლობაში წამყვანი საერთაშორისო სარეიტინგო სააგენტოების მიერ, ქვეყნის სუვერენული საკრედიტო რეიტინგის გაუმჯობესებასთან ერთად, თვალში საცემია გლობალური კვლევითი ინსტიტუტების მიერ, გაუმჯობესებული ინდიკატორებიც, განსაკუთრებით ეკონომიკური თავისუფლების, მართველობის ეფექტურობის და კორუფციისგან თავისუფლების შეფასებების ნაწილში, რამაც შესაბამისი ასახვა საინვესტიციო გააქტიურებაშიც ჰპოვა.

„2021 წლის მესამე კვარტალში პირდაპირი უცხოური ინვესტიციების ზრდა დაფიქსირდა, წინა წლის მესამე კვარტალთან შედარებით პირდაპირი უცხოური ინვესტიციების მოცულობა 1.4%-ით გაიზარდა და 299.0 მლნ. აშშ დოლარი შეადგინა. აღსანიშნავია, რომ 2021 წლის იანვარ-სექტემბერში პირდაპირი უცხოური ინვესტიციების მოცულობა წინა წელთან შედარებით 3.2%-ით გაიზარდა და 728.4 მლნ. აშშ დოლარი შეადგინა. პირდაპირი უცხოური ინვესტიციების გაუმჯობესების ტენდენციები ნათლად მიანიშნებს ინვესტორთა ნდობასა და პოზიტიურ მოლოდინებზე საქართველოს ბიზნეს გარემოს მიმართ.

ამასთან, 2021 წლის მესამე კვარტალში 2-ჯერ მეტად გაიზარდა რეინვესტირების მოცულობა და 293.3 მლნ. აშშ დოლარს გაუტოლდა (ინფორმაციისთვის: სააქციო კაპიტალის მოცულობა 16.8 მლნ. აშშ. დოლარი იყო, ხოლო ვალდებულებების გასტუმრება დაფიქსირდა) 021 წლის III კვარტალში ყველაზე მეტი პირდაპირი უცხოური ინვესტიცია საფინანსო სექტორში განხორციელდა და 87.1 მლნ. აშშ დოლარი შეადგინა, რაც მთლიანი პირდაპირი უცხოური ინვესტიციების 29.1 პროცენტია,

პირდაპირი უცხოური ინვესტიციები ენერგეტიკის სექტორში 34.9 მლნ. აშშ დოლარით გაიზარდა (101.5%-ით) და 69.3 მლნ. აშშ. დოლარი შეადგინა, რაც მთლიანი პირდაპირი უცხოური ინვესტიციების 23.2 პროცენტია, დამამუშავებელი მრეწველობის სექტორში ინვესტიციების მოცულობა გაიზარდა 25.8 მლნ. აშშ დოლარით (88.8%) და 54.8 მლნ აშშ დოლარს გაუტოლდა, რაც მთლიანი პირდაპირი უცხოური ინვესტიციების 18.3 პროცენტია, მეოთხე ტანსპორტის სექტორია, სადაც ინვესტიციების მოცულობა 32.8 მლნ. აშშ დოლარით აღემატებოდა წინა წლის მაჩვენებელს და მთლიანი ინვესტიციების 9.3 პროცენტს შეადგენს.

ინვესტიციების ზრდა ასევე დაფიქსირდა მშენებლობის სექტორში ინვესტიციების მოცულობა 29.2 მლნ. აშშ დოლარით გაიზარდა, ჯანდაცვის და სოციალური მომსახურების (5.9 მლნ. აშშ. დოლარით), სასტუმროების და რესტორნების (5.4 მლნ. აშშ დოლარით) და სოფლის მეურნეობის სექტორებში (3.6 მლნ. აშშ დოლარით). რაც შეეხება 2021 წლის იანვარ-სექტემბერის მონაცემს, მესამე კვარტლის ანალოგიურად, ყველაზე მეტი პირდაპირი უცხოური ინვესტიცია – 324.5 მლნ აშშ დოლარი (მთლიანი პირდაპირი უცხოური ინვესტიციების 44.5 პროცენტი) საფინანსო სექტორში დაფიქსირდა.

ენერგეტიკის სექტორში განხორციელებულმა პირდაპირმა უცხოურმა ინვესტიციებმა 175.7 მლნ. აშშ დოლარი შეადგინა, რაც მთლიანი პირდაპირი უცხოური ინვესტიციების 24.1 პროცენტია. მესამე ადგილზეა დამამუშავებელი მრეწველობის სექტორი 131.2 მლნ. აშშ. დოლარით (მთლიანი ინვესტიციების 18.0 პროცენტი). ქვეყნების მიხედვით კი 2021 წლის იანვარ-სექტემბერში ყველაზე დიდი მოცულობის ინვესტიცია გაერთიანებული სამეფოდან (37.2 პროცენტი – 271.1 მლნ. აშშ. დოლარი) განხორციელდა, შემდეგ მოდის ნიდერლანდები (14.2 პროცენტი – 106.4 მლნ. აშშ. დოლარი), ჩეხეთი (11.1 პროცენტი – 81.1 მლნ. აშშ. დოლარი) და თურქეთი (10.4 პროცენტი – 75.6 მლნ. აშშ. დოლარი).

ჩვენ ვხედავთ, რომ გლობალური პანდემიის და პანდემიასთან დაკავშირებული ეკონომიკური გამოწვევების მიუხედავად, საქართველოს მთავრობის წამყვან პრიორიტეტს ხარისხობრივი ინვესტიციების მოზიდვა და ცოდნისა და ტექნოლოგიების ტრანსფერი წარმოადგენს, რაც სტრატეგიულად სწორი არჩევანია. გარდა იმისა, რომ შემუშავებულ იქნა სახელმწიფო პროგრამა – „უცხოური საინვესტიციო პროექტების ხელშეწყობის მექანიზმი“, რომელიც გულისხმობს საინვესტიციო ვალდებულების შესრულების შემდეგ კომპანიებისთვის კვალიფიციური ხარჯების ანაზღაურებას, საქართველოს მთავრობა აქტიურ ნაბიჯებს დგამს ინვესტიციების მაღალი დამატებული ღირებულების მქონე სექტორებში მოსაზიდად, რაც საშუალოვადიან პერიოდში ხელს შეუწყობს წმინდა ექსპორტით განპირობებული ეკონომიკური ზრდის დაჩქარებას და საგარეო მოწყვლადობის შემცირებას“,-წერს გიორგი ცუცქირიძე.

Facebook Comments Box

ავტორის შესახებ

Info Postalioni

AD

Nusagi

ტოპ პოსტები

კატეგორიები

ნახვები

  • 4,184,583 ნახვა
%d bloggers like this: