Uncategorized

მათი პასუხი იყო მკაფიო- თქვენ არ გახდებით ნატო-ს წევრი, თუმცა საჯაროდ კარი ღია დარჩება

Nusagi

უკრაინა ნატო-ს წევრი რომ ყოფილიყო, ომი არ დაიწყებოდა, – ამის შესახებ ტელეკომპანია „სიენენთან“ ინტერვიუში უკრაინის პრეზიდენტმა, ვოლოდიმირ ზელენსკიმ განაცხადა. ამასთან, ზელენსკიმ აღნიშნა, რომ ის ნატო-ს მადლობელია, ინტერვენციის შემდგომ გაწეული დახმარებისთვის.

„ჩვენ რომ ნატო-ს წევრი ქვეყანა ვყოფილიყავით, ომი არ დაიწყებოდა. მე მინდოდა ჩემი ქვეყნისთვის, ჩემი ხალხისთვის უსაფრთხოების გარანტიების მიღება. თუ ნატო-ს წევრები მზად არიან, გვიხილონ ალიანსში, მაშინ გააკეთონ ეს დაუყოვნებლივ, რადგან ადამიანები ყოველდღე კვდებიან. თუმცა, თუ თქვენ არ ხართ მზად, დაიცვათ ჩვენი ხალხის სიცოცხლე, თუ გსურთ, რომ გვიხილოთ ორ მსოფლიოს შორის მდგარი, თუ გსურთ, რომ გვნახოთ ამ ბუნდოვან მდგომარეობაში, როდესაც არ გვესმის, შეგიძლიათ ჩვენი მიღება თუ არა – თქვენ ვერ ჩაგვაყენებთ ასეთ მდგომარეობაში, თქვენ ვერ გვაიძულებთ ამ გაურკვევლობაში ყოფნას“, – აღნიშნა უკრაინის ლიდერმა.

მისივე თქმით, ალიანსის წარმომადგენლებს სთხოვა, მკაფიოდ გამოეხატათ პოზიცია უკრაინის გაწევრიანებასთან და ვადებთან დაკავშირებით.

„მე ვთხოვე მათ პირადად, პირდაპირ ეთქვათ, რომ ჩვენ მიგიღებთ თქვენ ნატო-ში ერთ, ორ ან ხუთ წელში, უბრალოდ ეთქვათ ეს პირდაპირ და მკაფიოდ, ან უბრალოდ ეთქვათ „არა“. პასუხი იყო ძალიან მკაფიო, თქვენ არ გახდებით ნატო-ს წევრი, თუმცა საჯაროდ კარი ღია დარჩება“, – განაცხადა ზელენსკიმ.

Facebook Comments Box

ავტორის შესახებ

Info Postalioni

AD

Nusagi

ტოპ პოსტები

კატეგორიები

ნახვები

  • 6,205,290 ნახვა
%d bloggers like this: