მარიუპოლის პორტის მენეჯმენტის ერთ-ერთმა მაღალჩინოსანმა, რომელმაც ალყაში მოქცეული საპორტო ქალაქიდან ევაკუაცია მოახერხა, BBC-ს განუცხადა, რომ ქალაქის უდიდესი ნაწილი განადგურებულია, თუმცა პორტის ტერიტორიის ძირითადი ნაწილი ხელუხლებელი რჩება.
მაღალჩინოსანმა უსაფრთხოების მიზნით მედიასაშუალებასთან ვინაობის გამხელაზე უარი თქვა.
„სხვა ქალაქებისგან განსხვავებით ქალაქის პორტის ძირითადი ნაწილი ხელუხლებელია“, – აცხადებს მაღალჩინოსანი.
აღსანიშნავია, რომ ქალაქ მარიუპოლის პორტი უდიდესია აზოვის ზღვაზე. უკრაინისთვის აღნიშნული პორტი სტრატეგიული მნიშვნელობის არის, საუბარია სოფლის მეურნეობის პროდუქციის ექსპორტზე.
კრემლი მუდმივად უარყოფს სამოქალაქო ინფრასტრუქტურისა და შენობების მიზანმიმართულ მიზანს, როგორიცაა სკოლები, საავადმყოფოები და სახლები მარიუპოლში, რომელთაგან ბევრი განადგურდა და ასევე არის მსხვერპლი.
ის ფაქტი, რომ პორტის ტერიტორია შედარებით დაუზიანებელი რჩება, შესაძლოა იმის მანიშნებელი იყოს, რომ რუსეთი აფასებს მის სტრატეგიულ მნიშვნელობას და შეგნებულად არ მიაქვს მასზე იერიში.
