Uncategorized

დასავლეთმა პუტინის მიმართ ტაქტიკა უნდა შეცვალოს – New York Times

Nusagi

ვლადიმერ პუტინი არ არის დაინტერესებული რუსი ოლიგარქების ბედით, ამიტომ იახტების დაკავება, ანგარიშების გაყინვა და სხვა სანქციები დასავლეთის მიერ რუსეთის ფედერაციის პრეზიდენტზე გავლენას ვერ მოახდენს. ამის შესახებ New York Times-ის მიმომხილველი ეილინ ო’კონორი წერს.

მისი თქმით, დასავლეთმა ტაქტიკა უნდა შეცვალოს, რადგან მათი მხრიდან ოლიგარქებზე დაწესებული სანქციები პუტინს ვერაფერს დააკლებს.

„1996 წელს, როდესაც მე ვიყავი CNN-ის მოსკოვის ბიუროს ხელმძღვანელი, კორუმპირებული ოლიგარქების ჯგუფსა და პრეზიდენტ ბორის ელცინის დაცვის ახლობლებს შორის ბრძოლა მოხდა, რომლებიც მათგან მეტ ფულს ითხოვდნენ პოლიტიკური დაცვისთვის და დაგეგმილი არჩევნების ჩაშლით იმუქრებოდნენ. 

ანატოლი ჩუბაისს დავუსვი კითხვა, რომელიც მაშინ ვიცე-პრემიერი იყო, რა არის რუსებისთვის უფრო მნიშვნელოვანი – ძალაუფლება თუ ფული? მან მიპასუხა: „თუ თქვენ სვამთ ამ კითხვას, თქვენ არ გცოდნიათ რუსეთი, სწორი პასუხი არის ძალა“.

22 წლის შემდეგაც პასუხი იგივეა. ახლა, როდესაც პუტინის მმართველობა უდიდეს გამოცდას გადის, უკრაინის წინააღმდეგობასა და ოლიგარქებზე სანქციების გამკაცრებას შორის, ნავთობისა და ტექნოლოგიების ტრანსფერებს შორის, პასუხი იგივე რჩება.

პუტინს მხოლოდ ერთი რამ აინტერესებს და ეს არ არის ოლიგარქები

ავტორის თქმით, პუტინს სურს რუსეთის ტერიტორიისა და სუვერენიტეტის დაცვა დასავლეთის ბატონობისაგან. მისი თქმით, დასავლეთი ძალიან დიდი ხნის განმავლობაში უგულებელყოფდა რუსეთს და უარყოფდა რუსეთის ზესახელმწიფოს სტატუსს.

ავტორის თქმით, დასავლეთმა გავლენა უნდა მოახდინოს იმაზე, რაც რუსეთის აზრით მათ ზესახელმწიფოდ აქცევს. ეს არის ნავთობი და ჯარი.

რუსეთის ნავთობისა და გაზის სექტორი უზრუნველყოფს ქვეყნის ფედერალური ბიუჯეტის შემოსავლების 40%-ს და უზრუნველყოფს ქვეყნის ექსპორტის 60%-ს. მიმომხილველის თქმით, პრეზიდენტ ბაიდენის ფოკუსირება სანქციებზე, რომლებიც აკრძალავს ნავთობის იმპორტს, მნიშვნელოვანია.

ო’კონორმა, ასევე, აღნიშნა, რომ უკრაინაში რუს სამხედროებს არ გააჩნიათ სასიცოცხლო მნიშვნელობის აპარატურა და პროგრამული უზრუნველყოფა, რომელსაც იყენებენ სხვა თანამედროვე ძალები რეალურ დროში საველე დაზვერვის შესაგროვებლად, ისევე, როგორც საკომუნიკაციო სისტემები, რომლებიც საჭიროა ამ დაზვერვის ეფექტურად გამოსაყენებლად. ტანკების კოლონის მრავალდღიანი შეფერხება კი იმაზე მეტყველებს, რომ რუსებს არ აქვთ ჯარების საკვებითა და გაზით მომარაგების სისტემა.

Facebook Comments Box

ავტორის შესახებ

Info Postalioni

AD

Nusagi

ტოპ პოსტები

კატეგორიები

ნახვები

  • 5,683,144 ნახვა
%d bloggers like this: