უცხოური მედია

„ვეფხვი“ – გეგმა, რომლის მიხედვით თუ რუსეთი უკრაინაში ნებისმიერი სახის მასობრივი განადგურების იარაღს გამოიყენებს, აშშ კონფლიქტში პირდაპირ ჩაერევა – New York Times

Nusagi

ამერიკის შეერთებულმა შტატებმა სპეციალური გეგმა შეიმუშავა, რომელიც რუსეთის მიერ უკრაინაში ან ნატოს რომელიმე ქვეყნის წინააღმდეგ მასობრივი განადგურების იარაღის გამოყენების შემთხვევაში განხორციელდება. გეგმის სახელწოდებაა „ვეფხვი“ (Tiger). ამის შესახებ New York Times იუწყება. 

გეგმა იმის გამო შემუშავდა, რომ აშშ და ნატო შიშობს – თუ ვლადიმერ პუტინი უკრაინაში სამხედრო ოპერაციაში სასურველ პროგრესს ვერ მაიღწევს, მან შეიძლება სხვა, უფრო რადიკალურ ზომებს მიმართოს. მიუხედავად იმისა, რომ აშშ რუსეთის მიერ ბირთვული იარაღის მზადყოფნაში მოყვანის ფაქტებს ვერ ხედავს, პუტინმა და მისმა მხარდამჭერებმა დასავლეთი ასეთი შესაძლებლობის შესახებ რამდენჯერმე გააფრთხილეს, რის გამოც ვაშინგტონის და მოკავშირეების მხრიდან კონკრეტული მოქმედების აუცილებლობა შეიქმნა. 

პირველ რიგში დასავლეთი იმ შემთხვევაში იმოქმედებს, თუ პუტინი ნატოს კოლონებზე მიიტანს იერიშს, რომლითაც პოლონეთიდან უკრაინაში იარაღს და სხვა სახის დახმარებას უგზავნის. ნატო სხვა სახის საფრთხეებზეც საუბრობს – კერძოდ რამდენად არის იმის ალბათობა, რომ რუსეთმა ომი სხვა მეზობელ ქვეყნებზე, მათ შორის საქართველოსა და მოლდოვაზე გაავრცელოს. კიდევ ერთი გამოწვევა ალიანსისთვის ასიათასობით და მილიონობით ლტოლვილია, რომლებმაც საბრძოლო მოქმედებების გამო უკრაინა დატოვეს.

სწორედ ამ საკითხებზე იქნება საუბარი ბრიუსელში ნატოს სესიაზე, რომელიც 24 მარტს  იმართება. შეხვედრაში აშშ-ის პრეზიდენტი ჯო ბაიდენიც მონაწილეობს.

სენატის შეიარაღებული ძალების კომიტეტის თავმჯდომარე ჯეკ რიდი ამბობს, რომ თუ რუსეთი უკრაინაში ბირთვულ იარაღს გამოიყენებს, რადიაცია შეიძლება ნატოს ქვეყნებში მოხვდეს, რაც იქნება განხილული როგორც თავდასხმა ნატოს ტერიტორიაზე.

აშშ ყველანაირად ცდილობს საქმე რუსეთთან პირდაპირ შეიარაღებულ დაპირისპირებამდე არ მიიყვანოს.

„ამან შეიძლება მესამე მსოფლიო ომი გამოიწვიოს“, – წერს გამოცემა.

თეთრ სახლში მიაჩნიათ, რომ უკრაინაში შეჭრით რუსეთმა უდიდესი სტრატეგიული შეცდომა დაუშვა, რამაც მისი ავტორიტეტი შეარყია, ეკონომიკა დააზარალა, ხოლო პოტენციური მოკავშირეები მოსკოვს მრავალი წლით ზურგს შეაქცევენ. თუმცა ექსპერტების ნაწილი ამბობს, რომ კონფლიქტი მხოლოდ საწყის ეტაპზეა და ეს დასკვნა ნაჩქარევია. სწორედ სამხედრო წარუმატებლობის გამო პუტინმა შერყეული რეპუტაციის აღსადგენად შეიძლება სხვა, უფრო გადამჭრელი ზომები მიიღოს.

ჯო ბაიდენის ადმინისტრაციის წარმომადგენელმა განაცხადა, რომ რუსეთის მიერ ნებისმიერი სახის მცირე, ტაქტიკური ბირთვული ბომბის შესაძლო გამოყენება, უკრაინის ტერიტორიაზეც კი, უკვე ყველა შეზღუდვას მოხსნის და აშშ და ნატო ომში უშუალოდ ჩაერევა, რის თავიდან აცილებასაც, ჯერჯერობით, ყველანაირად ცდილობს. 

„თუ პუტინი ნატოს ქვეყანაზე დარტყმას განახორციელებს, მაშინ ალიანსი არა მარტო რუსეთის წინააღმდეგ სამხედრო მოქმედებას დაიწყებს, არამედ ის შეიარაღებულ ძალებს უკრაინაშიც შეიყვანს. ამის შესახებ ლატვიის თავდაცვის მინისტრმა არტის პაბრიქსმა განაცხადა.

„ეს მეხუთე მუხლის ამოქმედება იქნება“, – განაცხადა ლატვიელმა მინისტრმა.

ამასთანავე, ექსპერტები არ გამორიცხავენ ასეთ სცენარსაც – რუსეთი ჯერ გამოიყენებს ბირთვულ იარაღს, (გაფრთხილების სახით),  ხოლო შემდეგ დასავლეთს მოლაპარაკებებს შესთავაზებს.

დაახლოებით ერთი თვის წინ ასეთი სცენარები არარეალური ჩანდა. დღეს კი დასავლეთში სულ უფრო რეალურად აფასებენ საფრთხეს, რომ რუსეთმა შეიძლება კაცობრიობის ყველაზე საშიში იარაღი გამოიყენოს. ნატო და აშშ, ასევე, იმაზეც საუბრობს, რომ რუსეთმა, შესაძლოა, ბირთვულის გარდა, ქიმიური იარაღი გამოიყენოს.

ასეთ გამოწვევებს ევროპა ცივი ომის შემდეგ არ შეხვედრია. მას შემდეგ არავის უფიქრია ბირთვულ შეკავებაზე ან ბრძოლის ველზე ატომური ბომბის აფეთქების შედეგებზე. ახლა კი ეს საკითხები უმაღლეს დონეზე განიხილება. 

Facebook Comments Box

ავტორის შესახებ

Info Postalioni

AD

Nusagi

ტოპ პოსტები

კატეგორიები

ნახვები

  • 6,176,082 ნახვა
%d bloggers like this: