“ოსკარის“ რიგით 94-ე დაჯილდოება ტრადიციულად ლოს-ანჯელესში, Dolby Theatre-ში გაიმართა. ღონისძიებას ვანდა საიკსი, ემი შუმერი და რეგინა ჰოლი ერთობლივად უძღვებოდნენ.
ღონისძიებას სკანდალის გარეშე არ ჩაუვლია – ცნობილი მსახიობი უილ სმიტი სცენაზე ავიდა და კრის როკს სილა გააწნა.
უილ სმიტის განრისხება კრის როკის ხუმრობამ გამოიწვია, რომელმაც სმიტის ცოლს უთხრა, რომ ერთი სული აქვს, GI Jane 2-ს როდის იხილავს.
სმიტი სცენაზე აიჭრა, კრის როკს დაარტყა და როცა თავის ადგილზე დაბრუნდა, დაუყვირა: “ჩემი ცოლის სახელს შენი საძაგელი(დედა მ..ი) პირით ნუ ამბობ!”
ხუმრობა 1997 წლის ფილმს – “GI Jane”-ს შეეხებოდა, რომელშიც მთავარ როლს დემი მური გადაპარსული თავით ასრულებს.
უილ სმიტის მეუღლემ, პინკეტ სმიტმა, ადრე ისაუბრა თმის ცვენის პრობლემაზე.
