უცხოური მედია

ზელენსკი ნიდერლანდების პარლამენტს – საჭიროა უფრო ძლიერი სანქციები, შეაჩერეთ ყოველგვარი ვაჭრობა რუსეთთან

Nusagi

ავსტრალიის პარლამენტში ვირტუალურად გამოსვლის შემდეგ, უკრაინის პრეზიდენტმა ვოლოდიმირ ზელენსკიმ დღეს ნიდერლანდების პარლამენტს მიმართა. დეპუტატებს მან მეტი იარაღის მიწოდება, რუსეთთან ყოველგვარი ბიზნესის შეწყვეტა და ომის შემდგომ რეკონსტრუქციაში დახმარება სთხოვა.

„საჭიროა უფრო ძლიერი სანქციები, რათა რუსეთს არ ჰქონდეს შანსი, აწარმოოს შემდგომი ომი ევროპაში. შეაჩერეთ ყოველგვარი ვაჭრობა რუსეთთან“, – აღნიშნა უკრაინის პირველმა პირმა.

ზელენსკიმ ჰოლანდიის ისტორიის მონაკვეთიც გაიხსენა, კერძოდ, 1572 წლის 1-ლი აპრილის მოვლენები, როდესაც ესპანელები განდევნეს ქალაქ დენ ბრიელიდან, რაც გარდამტეხი იყო ნიდერლანდების რევოლუციაში.

”ხვალ თქვენ გაიხსენებთ ტირანიის განდევნის 450 წლისთავს” – თქვა მან. გარდა ამისა, უკრაინის პრეზიდენტმა ნიდერლანდების პრემიერ-მინისტრ მარკ რუტეს, სთხოვა, მხარი დაუჭიროს უკრაინის ევროკავშირში გაწევრიანების სურვილს.

”ჩვენი წევრობა შენზეა დამოკიდებული, მარკ”, – თქვა მან.

ცნობისთვის, ჰოლანდიის პარლამენტი რიგით მეთოთხმეტეა, რომელსაც ზელენსკიმ ვირტუალურად მიმართა.

Facebook Comments Box

AD

Nusagi

ტოპ პოსტები

კატეგორიები

ნახვები

  • 6,176,019 ნახვა
%d bloggers like this: