რუსი ოკუპანტების მიერ მოპარული ავტომობილების კოლონა კიევის ოლქიდან ბელარუსისკენ გადაადგილდება. ამის შესახებ უკრაინის გენერალური შტაბი იუწყება. ინფორმაციას racurs.ua ავრცელებს.
კოლონაში მსუბუქი და სატვირთო ავტომობილები, ავტობუსები და მიკროავტობუსები შედის. ასევე ოკუპანტებს სხვადასხვა მოპარული ნივთებიც გააქვთ.
ყველაზე მძიმე ბრძოლები ამჟამად უკრაინის აღმოსავლეთ ნაწილში მიმდინარეობს. გასულ დღე-ღამეში უკრაინის შეიარაღებულმა ძალებმა სამი რუსული ტანკი, ორი ჯავშანტრანსპორტიორი და ორი ავტომობილი გაანადგურეს. ასევე მათ ჩამოაგდეს „ორლან-10“-ის ტიპის უპილოტო საფრენი აპარატი.
Facebook Comments Box
