პოლიტიკა

დავით ქართველიშვილი უკრაინის დაზვერვის განცხადებაზე: ეს არის გია ლორთქიფანიძის მიერ შეთხზული მორიგი პროვოკაცია, რომელიც ემსახურება ქართულ-უკრაინული ურთიერთობების კიდევ უფრო გამწვავებას და ორ ქვეყანას შორის პოლიტიკური უფსკრულის გაღრმავებას

Nusagi

„უკრაინაში მიმდინარე უმძიმესი ომისა და რუსეთის აგრესიის მოგერიების ფონზე – ქართული ნაცსექტის უკრაინის ხელისუფლებაში მოკალათებული ცალკეული წარმომადგენლები საკუთარ, პარალელურ, ანტიუკრაინულ და ანტიქართულ ომს აწარმოებენ!“- ასე ეხმიანება ექსპერტი დავით ქართველიშვილი უკრაინის თავდაცვის სამინისტროს დაზვერვის მიერ გავრცელებულ ინფორმაციას, რომ საქართველოს პოლიტიკური ხელმძღვანელობა რუსეთთან შეთანხმებულია საკუთარი ტერიტორიის გავლით სანქცირებული პროდუქტების კონტრაბანდის სახით შეტანაზე.

„თქვენ თვალწინ არის მეგობარი უკრაინის მიერ გამოუცხადებელი პოლიტიკური თუ ჰიბრიდული ომის ფარგლებში მორიგი შეტევა, რომელიც ეფუძნება აბსოლუტურ ფეიკს, რომელიც გადამოწმებასაც ადვილად ექვემდებარება და ჩვენი სტრატეგიული დასავლელი პარტნიორების უმკაცრესი კონტროლის ქვეშ არის აყვანილი – სულ რომ არ მივიღოთ მხედველობაში საქართველოს ხელისუფლების გულწრფელობა, გამჭირვალობა და ელემენტარული ნამუსი უკრაინისა და უკრაინელ ხალხთან მიმართებაში.

ტექსტს გთავაზობთ უცვლელად – “უკრაინის თავდაცვის დაზვერვა”: “სანქციების გვერდით ავლის მიზნით, რუსი აგენტები ათანხმებენ კონტრაბანდულ არხებს (გზებს), მათ შორის საქართველოს ტერიტორიის გავლით. ამასთანავე, საქართველოს სპეცსამსახურების წარმომადგენლებმა მიიღეს მითითება პოლიტიკური ხელმძღვანელობისგან, რათა არ შეუშალონ ხელი კონტრაბანდისტებს მათ საქმიანობაში”. ეს არის უკრაინის სპეცსამსახურის კონტრდაზვერვის დირექტორის უფროსის მოადგილის, გია ლორთქიფანიძის მიერ შეთხზული მორიგი დეზინფორმაციული პროვოკაცია, რომელიც ემსახურება ქართულ-უკრაინული ურთიერთობების კიდევ უფრო გამწვავებას და ორ ქვეყანას შორის პოლიტიკური უფსკრულის გაღრმავებას. უკრაინაში მიმდინარე უმძიმესი ომისა და რუსეთის აგრესიის მოგერიების ფონზე – ქართული ნაცსექტის უკრაინის ხელისუფლებაში მოკალათებული ცალკეული წარმომადგენლები საკუთარ, პარალელურ, ანტიუკრაინულ და ანტიქართულ ომს აწარმოებენ!“- წერს ქართველიშვილი Facebook-ზე.

ცნობისთვის, უკრაინის კონტრდაზვერვის უფროსის მოადგილის თანამებობაზე ცოტა ხნის წინ, გია ლორთქიფანიძე დაინიშნა, რომელიც საქართველოს სამართალდამცავი ორგანოების მიერ იძებნება.

Facebook Comments Box

ავტორის შესახებ

Info Postalioni

AD

Nusagi

ტოპ პოსტები

კატეგორიები

ნახვები

  • 5,210,966 ნახვა
%d bloggers like this: