„მილიარდ ევროს ვუხდით პუტინს ყოველდღიურად იმ ენერგიისთვის, რომელსაც ის გვაძლევს“ – ბორელი

„იმისათვის, რომ დავეხმაროთ უკრაინას გაუძლოს რუსეთის შეჭრას, ევროპელებმა უნდა გაზარდონ მხარდაჭერა უკრაინის მიმართ და თავი დააღწიონ ენერგეტიკულ დამოკიდებულებას რუსეთზე“, – ამის შესახებ ევროკავშირის უმაღლესმა წარმომადგენელმა

მისი თქმით, უკრაინაში ომის დაწყებიდან ევროკავშირმა 45 მილიარდი ევრო დახარჯა რუსულ საწვავზე.

„ჩვენ ერთი მილიარდი ევრო გამოვყავით უკრაინისთვის. ბევრი ჩანს. მაგრამ მილიარდ ევროს ვუხდით პუტინს ყოველდღიურად იმ ენერგიისთვის, რომელსაც ის გვაძლევს. ომის დაწყებიდან მას 45 მილიარდი ევრო მივეცით. შეადარეთ ეს იმ მილიარდს, რომელიც ჩვენ უკრაინას მივეცით იარაღისა და სამხედრო აღჭურვილობის უზრუნველსაყოფად. ამ უზარმაზარმა განსხვავებამ ხაზი უნდა გაუსვას იმ მნიშვნელობას და აუცილებლობას, რომ გავაკეთოთ ის, რაც ევროსაბჭომ გვთხოვა. ჩვენ უნდა შევამციროთ ენერგეტიკული დამოკიდებულება რუსეთზე“, – აღნიშნა ბორელმა.