საზოგადოება

პენიტენციური სამსახური: მივმართავთ სახალხო დამცველს – განმარტოს, ჰქონდა თუ არა მის მიერ შექმნილი ექსპერტთა ჯგუფის წევრს თანხმობა სააკაშვილის პერსონალური მონაცემების გასაჯაროებაზე

Nusagi

სპეციალური პენიტენციური სამსახური სახალხო დამცველის მიერ შექმნილი ექსპერტთა ჯგუფის წევრის მიერ მიხეილ სააკაშვილის პერსონალურ მონაცემების გასაჯაროებასთან დაკავშირებით განცხადებას ავრცელებს. სამსახურში აღნიშნავენ, რომ სახალხო დამცველის აპარატის მიერ სპეციალური პენიტენციური სამსახურისთვის ა.წ. 28 აპრილს გაგზავნილ წერილში საგანგებოდ იყო მითითებული, რომ დასკვნის დანართი არ არის საჯარო.

„ტელეკომპანია „ტვ პირველის“ ეთერში ა.წ. 30 აპრილს სახალხო დამცველის მიერ შექმნილი ექსპერტთა ჯგუფის წევრმა გიორგი გრიგოლიამ საჯაროდ ხელმისაწვდომი გახადა ამავე ჯგუფის მიერ მომზადებული დასკვნის დანართში ასახული მსჯავრდებული მიხეილ სააკაშვილის განსაკუთრებული კატეგორიის პერსონალური მონაცემები.

აღსანიშნავია, რომ სახალხო დამცველის აპარატის მიერ სპეციალური პენიტენციური სამსახურისთვის ა.წ. 28 აპრილს გაგზავნილ წერილში საგანგებოდ იყო მითითებული, რომ დასკვნის დანართი არ არის საჯარო.

სპეციალურმა პენიტენციურმა სამსახურმა მოახდინა მყისიერი რეაგირება სახალხო დამცველის ექსპერტთა ჯგუფის დასკვნაზე და გაავრცელა განცხადება, რომელშიც აღინიშნა, რომ სამსახურს აქვს კითხვები, რომლებიც მოკლე ვადაში მიეწოდებოდა სახალხო დამცველს. 30 აპრილს პენიტენციურმა სამსახურმა მიმართა სახალხო დამცველს და ელოდება არგუმენტირებულ პასუხს დასმულ კითხვებზე. წერილში ერთ-ერთი საკითხი ეხებოდა სწორედ გამჟღავნებულ ინფორმაციას სისხლში ალბუმინის რაოდენობასთან დაკავშირებით. გაჟღერებული მონაცემი მკვეთრად განსხვავებულია ანალიზების რეალურ შედეგთან, რომელიც ხელმისაწვდომი იყო ექსპერტთა ჯგუფისთვის.

სახალხო დამცველის აპარატიდან პასუხების მიღებასა და, საჭიროების შემთხვევაში, ჯგუფის წევრებთან გასაუბრებამდე ექიმის მიერ შერჩევით, დასაზუსტებელი ლაბორატორიული მონაცემის გასაჯაროება არის მაღალი რისკის შემცველი, რამაც შესაძლოა, საზოგადოების არასწორი ინფორმირების გზით, რეალობისგან მკვეთრად განსხვავებული წარმოდგენების შექმნა გამოიწვიოს.

მივმართავთ სახალხო დამცველს, რომლის აპარატის წერილის თანახმადაც, სპეციალური პენიტენციური სამსახურისთვის მიწოდებული ინფორმაცია არ იყო საჯარო, განმარტოს ჰქონდა თუ არა მის მიერ შექმნილ ექსპერტთა ჯგუფის წევრს კანონმდებლობით გათვალისწინებული თანხმობა დასკვნის დანართის გასაჯაროებაზე, რომელშიც მოცემულია ჩივილები, დანიშნული მედიკამენტების ჩამონათვალი და სხვა მონაცემები“, – აღნიშნულია განცხადებაში.

Facebook Comments Box

ავტორის შესახებ

Info Postalioni

AD

Nusagi

ტოპ პოსტები

კატეგორიები

ნახვები

  • 5,683,153 ნახვა
%d bloggers like this: