საზოგადოება

უცხო ქვეყანაში პატიმრის გადაყვანა არ მახსენდება, მაგრამ ეს არ ნიშნავს იმას, რომ კანონმდებლობით ამის დაშვება არ შეიძლება – ეკა ბესელია სააკაშვილზე 

Nusagi

„ციხეში ვითარება არ არის იმგვარი, რაც სააკაშვილის პერიოდში იყო, მაგრამ მის მიმართ მოპყრობა არის ადამიანის უფლებების დარღვევა“, – ამის შესახებ პარტია „სამართლიანობისთვის“ თავმჯდომარემ ეკა ბესელიამ ექსპრეზიდენტ მიხეილ სააკაშვილზე საუბრისას განაცხადა.

როგორც ბესელიამ „პალიტრას“ ეთერში აღნიშნა, დღეს პრობლემა პოლიტიზებული, მართვადი და კლანური მმართველობაა. 

ამასთან, ბესელიას თქმით, პენიტენციურ სისტემაში ბევრი რამ გაკეთდა და სასაკაშვილის ხელისუფლების დროს კი უმძიმესი ვითარება იყო. 

„ქვეყანაში, სადაც დემოკრატიის ტესტს ატარებენ, ერთ-ერთი მთავარი ტესტი არის თუ როგორია პატიმრების მდგომარეობა. ახლა ამ ეტაპზე ყველაზე აქტუალურია ევროკავშირში სწრაფი გაწევრიანების პროცესში კითხვაზე როგორ ვპასუხობთ ჩვენ, რა რეფორმები ვაჩვენეთ, რა დინამიკა გვაქვს დღეს… 

მართლაც ძალიან ბევრი რამ გაკეთდა, ის რაც დაგვხვდა იყო უმძიმესი. სხვათაშორის როგორი ბედის ირონიაა, რომ მიხეილ სააკაშვილს დახვდა ის სასამართლო, რომელიც მან დატოვა და რეალურად ყველაზე მძიმე თემა იყო მისი ხელისუფლების დროს და დღეს ეს სასამართლო არის მთავარი პრობლემა ქვეყნისთვის.

ციხეში ვითარება არ არის იმგვარი, რაც მის პერიოდში იყო, მაგრამ მის მიმართ მოპყრობა ასევე არის ადამიანის უფლებების დარღვევა. პრობლემა არის პოლიტიზებული და მართვადი სასამართლო, ასევე კლანური მმართველობა“, – აღნიშნა ბესელიამ. 

ეკა ბესელია ამბობს, რომ ყველა პატიმარი კანონის წინაშე თანასწორია, თუმცა არსებობს საქმეები, რომლითაც სურათის განზოგადება ხდება, სწორედ ასეთია მიხეილ სააკაშვილის საქმე. 

„ეს სისტემა, რომელიც კიდევ უფრო გამყარდა ვიწრო გავლენიანი ჯგუფის მხარდაჭერით. სწორედ ეს არის პრობლემა, აქ შეიძლება იყოს  გამონათებები და იყო რამდენიმე ასეთი გამონათება. რატომ არის მიხეილ სააკაშვილის საქმე ახლა საყურადღებო? ამბობენ, რომ არ შეიძლება იყოს გამორჩეული პატიმარი. რა თქმა უნდა, ვიზიარებ რომ პატიმარი კანონის წინაშე ყველა თანასწორია, მაგრამ არის საქმეები, რომლითაც ხდება სურათის  განზოგადება ხდება. ყველა პატიმრის საქმეს ხომ არ აკვირდებიან გამადიდებელი შუშით? სააკაშვილის საქმეს აშუქებს არა მხოლოდ ადგილობრივი, არამედ საერთაშორისო მედიაც. ის ამ საქმით ზომავს მართლმსაჯულების ტესტსაც და პატიმრის მიმართ დამოკიდებულებასაც. 

უკრაინის ომმა ეს თემა კიდევ უფრო პოლიტიზებული გახადა, ვიდრე ის იყო. როდესაც ყოფილ პრეზიდენტს ათრევენ მანქანიდან საკანში, ეს კადრები უკვე ნახეს არა მხოლოდ ქვეყნის შიგნით, არამედ ქვეყნის გარეთაც.  ეს არის ცუდი მაგალითი იმისა, თუ როგორ ეპყრობი შენ პატიმრობაში მყოფს, მათ შორის ყოფილ პრეზიდენტს. მართლა არ მახსენდება პატიმრის გადაყვანა უცხო ქვეყანაში, მაგრამ თუ არ გვქონდა ასეთი პრეცედენტი არ ნიშნავს იმას, რომ ამის შესაძლებლობა არ არის და კანონმდებლობით არ შეიძლება. სააკაშვილის საქმე დაემსგავსა შურისძიების აქტს“, – დასძინა ეკა ბესელიამ. 

Facebook Comments Box

ავტორის შესახებ

Info Postalioni

AD

Nusagi

ტოპ პოსტები

კატეგორიები

ნახვები

  • 5,683,119 ნახვა
%d bloggers like this: